Në ditën e 326-të të luftës në Ukrainë janë regjistruar sulme të rënda dhe të ashpra. Shpërthime u raportuan në të paktën 10 rajone. Në qytetin ukrainas Dnipro, bombat ruse shkatërruan një ndërtesë të tërë apartamentesh dhe deri më tani raportohet për 30 viktima e 73 të plagosur. Sipas të dhënave nga autoritetet ukrainase, 39 persona, përfshirë gjashtë fëmijë, janë arritur të shpëtohen.
Pas sulmeve, kompania shtetërore e energjisë ukrainase Ukrenergo vendosi përkohësisht kufizime të konsumit gjatë gjithë orarit për të gjitha rajonet. Ministri ukrainas i Energjisë, German Galushchenko tha se ditët e ardhshme do të ishin të vështira.
Breshëria e sulmeve me raketa të Rusisë erdhi në të njëjtën ditë kur kryeministri i Mbretërisë së Bashkuar Rishi Sunak tha se qeveria e tij do t'u jepte tanke Challenger 2 forcave të armatosura të Kievit në një përpjekje për të ndihmuar të zmbrapsnin trupat ruse. Në përgjigje, Moska tha se ofrimi i më shumë armëve për Ukrainën do të çonte në intensifikimin e operacioneve ruse dhe më shumë viktima civile.
Shefi i NATO-s Jens Stoltenberg tha të dielën se Ukraina mund të presë më shumë dërgesa të armëve të rënda nga vendet perëndimore.
“Premtimet e fundit për pajisje të rënda luftarake janë të rëndësishme, dhe unë pres më shumë në të ardhmen e afërt”, tha Stoltenberg për mediat gjermane.
Rajoni rus i Belgorodit, ngjitur me kufirin me Ukrainën, është goditur nga një ngjarje e rëndë, pasi një depo me municione e armatime ka shpërthyer si pasojë e moszbatimit të protokollit për mbajtjen e granatave, duke lënë të vdekur tre ushtarë rusë dhe duke plagosur 16 të tjerë.
Ngjarja ka ndodhur në një qendër kulturore, e cila pas agresionit rus në Ukrainë, ishte projektuar për të shërbyer si depo për armatimet e ushtarëve rusë. Kjo, duke parë edhe afërsinë që rajoni i Belgorodit ka me Ukrainën, duke qenë shumë pranë kufirit.
Nga ana tjetër, ka qenë agjencia ruse e lajmeve, Interfax, ajo e cila ka bërë me dije se janë edhe tetë ushtarë të tjerë rusë, të cilët nuk janë gjendur ende pas shpërthimit dhe kërkimi për ta vijon. Gjë, që lë hapësirë për të menduar se numri i fataliteteve mund të shtohet.
Numri i të vdekurve nga sulmi me raketa ruse kundrejt një pallati në Dnipro të Ukrainës ka shkuar në 30. Lajmi u raportua nga Natalia Babachenko, këshilltare e kreut të administratës ushtarake të rajonit Dnipropetrovsk, cituar nga CNN dhe media ukrainase.
Babachenko tha gjithashtu se operacioni i shpëtimit ishte duke u zhvilluar, duke shtuar se mund të ketë deri në 30 apo edhe 40 njerëz ende nën rrënoja. Të paktën 75 persona u plagosën dhe 12 të shtruar në spital mbeten në gjendje të rëndë, mes tyre një vajzë 9-vjeçare.
Presidenti rus Vladimir Putin i tha kanalit televiziv Rossiya-1 të dielën se operacioni ushtarak i Moskës në Ukrainë po zhvillohet sipas planit.
"Dinamika është pozitive. Gjithçka po zhvillohet brenda kuadrit të planit të Ministrisë së Mbrojtjes dhe Shtabit të Përgjithshëm," thuhet se tha Putin, duke shtuar se shpreson që trupat ruse të befasojnë kombin "më shumë se një herë me rezultatet e tyre të punës luftarake. "
Ekipet e kërkim-shpëtimit në banesën e shkatërruar në Dnipro, foto nga Mykola Tymchenko,Ruters
Ka shkuar në 25, numri i viktimave si pasojë e bombardimeve të djeshme nga Rusia në një godinë në Dnipro. 73 persona kanë mbetur të plagosur, 13 prej tyre fëmijë, ndërsa 43 raportohen të zhdukur. Fatmirësisht janë arritur të shpëtohen 39 persona.
Lajmi është bërë i ditur nga presidenti ukrainas, Volodymyr Zelensky.
“Për momentin, janë shpëtuar 39 persona, mes tyre 6 fëmijë. Mes viktimave është edhe një fëmijë. Të lënduarit janë 73, prej të cilëve 13 fëmijë dhe 43 janë të zhdukur”, tha presidenti në një postim në Twitter, duke shtuar se 72. apartamente u shkatërruan dhe më shumë se 230 u dëmtuan.
Moska ka akuzuar se Ukraina ka në plan që të prish marrëveshjen për eksportin e grurit nga Deti i Zi e në fund të të akuzojë Rusinë. Ka qenë ky lajmi i raportuar në mediat ndërkimbëtare që citojnë Shërbimin e Sigurisë së Ukrainës (SBU). Sipas tyre, Ukraina po vendos mina në një hambar në fshatin Karaichnoye në rajonin e Kharkiv, për ta shpërthyer dhe më pas për të akuzuar Moskën për "shkatërrimin e rezervave të grurit të vendit". Ato theksojnë se kanë dërguar 30 specialistë në zonë, për të parandaluar zbatimin e këtij plani nga Ukraina.
Rusia anuloi një shkëmbim të planifikuar të të burgosurve të luftës të shtunën në minutën e fundit, tha organi ukrainas që merret me të burgosurit
Shtabi Koordinues për Trajtimin e të Burgosurve të Luftës tha në Telegram:
Një raund tjetër shkëmbimi i të burgosurve ishte planifikuar sot me palën ruse. Megjithatë, ajo u anulua në momentin e fundit me iniciativën e palës ruse.
Rusia dhe Ukraina kanë bërë shkëmbime të shumta të burgosurish – më së fundi më 8 janar – që arrinin në qindra robër secila gjatë luftës.
Lajme të tjera
-
Lufta/ 8 rusë të vrarë nga zjarri miqësor i Koresë së Veriut, luftonin krah tyre në rajonin Kurskut! Mbyten 2 anije ruse cisternë me naftë në Krime, një i vdekur
15 Dhjetor, 10:00 -
Zelensky: Rusia ka angazhuar ushtarët koreano-veriorë në Kursk
14 Dhjetor, 20:51 -
Rusia i afrohet qytetit kyç të Ukrainës, teksa Zelensky e viziton vijën e frontit
12 Dhjetor, 22:07 -
Zelensky i hapur për praninë e trupave të huaja në Ukrainë
9 Dhjetor, 22:46 -
Lufta në Ukrainë/ Trump: Putini ka humbur! Zelensky zbulon se çfarë i tha presidentit të zgjedhur amerikan në pallatin Elysee
9 Dhjetor, 17:02 -
Lufta/ Trump: Mund të reduktojmë ndihmën për Ukrainën
8 Dhjetor, 16:59 -
Sot ceremonia e hapjes së katedrales Notre-Dame/ Presidentët Trump dhe Zelensky kanë mbërritur në Paris
7 Dhjetor, 16:35 -
Rihapet Katedralja e ‘Notre-Dame’, Trump e liderët botërorë në Paris! Kambanat bien për herë të parë pas 5 vitesh! Macron: Le t’ia kthejmë botës! I pranishëm edhe Rama
7 Dhjetor, 08:04 -
Zelensky njofton sanksione kundër autoriteteve të Tbilisit
5 Dhjetor, 11:13 -
Zelensky: Koreja e Veriut po trajnon 10 mijë ushtarë për të ndihmuar Rusinë në luftën kundër Ukrainës
5 Dhjetor, 09:10 -
Trump rrëzon kërkesën e Zelenskyt për anëtarësimin në NATO: Furnizim me armë, pezullim i luftës
4 Dhjetor, 14:51
-
Presidenti i Këshillit Evropian, Përfaqësuesja e Lartë e BE-së dhe Komisionerja për Zgjerim vizitojnë Kievin
1 Dhjetor, 08:54
