Shpërthim i fortë në veri të Mitrovicës, forcat e KFOR-it në gatishmëri

Në veri të Kosovës kanë vijuar shpërthimet e njëpasnjëshme edhe gjatë mbrëmjes së sotme. Shpërthimi ka ndodhur në veri të Mitrovicës në momentin kur një prej gazetareve po raportonte. Ndërkohë në zonat ku janë vendosur barrikadat vijojnë patrullimet e KFOR-it.

“Dëgjuam dhe ishim dëshmitarë të një shpërthimi që ndodhi në pjesën ku ndodhet Kodra e Minatorëve. Ishte një shpërthim i fortë, në këtë pjesë ka gjithashtu edhe pjesëtarë të Policisë së Kosovës, dy deri në tre patrulla. Ne gjithashtu ishim edhe te pjesa e barrikadave në Rudar, situatë e qetë ishte edhe në atë pjesë. Aty po patrullonin pjesëtarë të KFOR-it, ndërkaq Policia e Kosovës nuk u pa duke patrulluar në atë pjesë të vendit”, u shpreh gazetarja Florjeta Dërnjani.

LEXO EDHE:
Këshilli i BE-së merr vendimin, u heq vizat serbëve të Kosovës që kanë pasaporta të Serbisë

Lajmi kryesor:

Tensionet në veri të Kosovës, shpërthim i fortë në Mitrovicë! Brnabiç: Jemi në prag të një konfliki të armatosur! KFOR: Kemi mjetet për të penguar dhunën

B.V/Shqiptarja.com

TAG:
• tensione ne veri te kosoves
• Mitrovice