Shpërthim kamikaz në një park
fëmijësh në Pakistan, 65 të vdeku

Një sulm vetëvrasës në qytetin Lahore të Pakistanit, ka shkaktuar rreth 65 të vdekur, nga të cilët 50 janë fëmijë dhe 280 të plagosur. Lahore njihet si qyteti më i pasur i Pakistanit, kryeqendra e krahinës Punjab, baza politike e kryeministrit pakistanez, Nawaz Sharif. 
 
Shpërthimi u regjistrua në një park të madh në jugperëndim të qytetit, ku shumë njerëz ishin mbledhur pasditen e kësaj të diele.
 








Rrjeti BBC bën me dije se shpërthimi ndodhi nga një atentator vetëvrasës, ndërsa sulmin ende nuk e ka marrë përsipër ndonjë organizatë.
 
"Të gjitha spitalet në zonë janë vendosur në kushtet e urgjencës për të ndihmuar të plagosurit. Shpërthimi ka ndodhur në hyrje të parkut Gulshan-e-Iqbal, ku zakonisht parkohen shumë makina. Shumica e viktimave janë gra dhe fëmijë, po ashtu edhe të plagosurit", i thanë Reuters burime lokale policore.

Fotogaleria për foto të tjera

Redaksia Online
Shqiptarja.com