Një shpërthim tritoli ka ndodhur mbrëmjen e sotme, në një makinë të parkuar pranë shtëpisë në lagjen Partizani në Shkodër.

Tritoli mësohet se është vendosur në makinën e Nazmi Bandullas dhe ka qenë e parkuar në oborrin e shtëpisë së tij. Fatmirësisht nga shpërthimi nuk raportohet për të lënduar por vetëm për dëme materiale.

Pronari i makinës rezulton një person me precedentë të mëparshëm penalë, për konflikte brenda familjes. Megjithatë ende nuk ka detaje të tjera sa i përket të kaluarës së tij dhe se me çfarë ka lidhje konkretisht shpërthimi.

Gazetari i Report Tv Ergys Kavaja raporton se shpërthimi i ndodhur në lagjen Partizani ka qenë i fortë dhe është dëgjuar në afërsi të zonës. Pranë shtëpisë ku ka ndodhur shpërthimi nuk ka kamera sigurie të cilat do të mund të ndihmonin që ngjarja të zbardhej më shpejtë.

Policia momentalisht është në vendin e ngjarjes dhe po punon për zbardhjen e plotë të saj, ndërkohë ende nuk janë identifikuar autorët.

"Më datë 26.12.2020, rreth orës 20:25, në lagjen "Partizani",  Shkodër, mjeti i cili ishte i parkuar në oborrin e shtëpisë së shtetasit N. B, ne rrethana të paqarta dyshohet  se ka shpërthyer si pasojë e lëndës eksplozive, duke shkaktuar vetëm dëme materiale. Në vendin e ngjarjes ndodhet grupi hetimor dhe në drejtimin e Prokurorisë së Rrethit Gjyqësor Shkodër po punohet për sqarimin e rrethanave të kësaj ngjarje", thotë policia.

Rendit zhvillimet sipas orarit:
Ora 21:10
Shkodër/ I vunë tritol në makinë në oborrin e shtëpisë, pronari me precedentë penalë

1609013482_yuyuyuyuyuyuyuyuyuyu.jpg

Nazmi Bandulla pronari i makinës që shpërtheu në tritol para pak minutash në Shkodër, rezulton një person me precedentë të mëparshëm penalë.

Ai  rezulton si person me precedente penale për konflikte brenda familjes por ende nuk ka detaje të tjera sa i përket të kaluarës së tij.

Ora 21:01
Shpërthimi me tritol në Shkodër, ky është pronari i makinës së shpërthyer

1609012906_yyyyyyy.jpg

Nazmi Bandulla është pronari i makinës në të cilën është vënë tritol para pak minutash në Shkodër.

Makina ka qenë e parkuar në oborrin e tij.