Shpërthime dhe shtëllunga tymi në Damaskun e Sirisë, shkak lufta Hamas-Izrael

Shpërthime dhe shtëllunga tymi në Damaskun e Sirisë, shkak lufta Hamas-Izrael

Foto nga Vendngjarja në Damask

Shpërthime dhe shtëllunga tymi janë parë e dëgjuar të shtunën në Damask, kryeqytetin e Sirisë, sipas mediave lokale dhe Vëzhguesit Sirian për të Drejta të Njeriut.

Në disa video, që nuk janë verifikuar prej Radios Evropa e Lirë, janë parë edhe ndërtesa të shkatërruara.

Për këto shpërthime raportohet në kohën e rritjes së tensioneve në Lindje të Mesme, prej nisjes së luftës Izrael- Hamas.

Hamasi, grup palestinez që udhëheq Gazën, është shpallur organizatë terroriste prej Shteteve të Bashkuara dhe Bashkimit Evropian.

Ka raportime për viktima, si pasojë e shpërthimit, që besohet se ka ndodhur në lagjen Mazzeh në jugperëndim të Damaskut.

Në zonën Mazzeh gjendet aeroporti ushtarak, dhe selitë e Kombeve të Bashkuara, të ambasadave dhe disa restorante.

Lindja e Mesme është në alarm qysh prej 7 tetorit, kur Hamasi ka kryer sulme në jug të Izraelit, duke vrarë të paktën 1.200 njerëz, kryesisht civilë, dhe duke i marrë peng 240 të tjerë.

Për pasojë, Izraeli ka nisur luftë në Gazë, dhe sipas autoriteteve shëndetësore atje, mbi 24 mijë njerëz janë vrarë prej ofensivës ajrore dhe tokësore izraelite.

Konflikti ka rritur shqetësimet për përhapje të luftës në rajon, sidomos mes rivalëve siç janë Izraeli me Iranin.

 

Teherani gëzon mbështetjen e disa grupeve në Lindje të Mesme, përfshirë Hamasin në Gazë, Hezbollahun në Liban dhe rebelët Huthi në Jemen. Ky vend gëzon mbështetjen e disa grupeve edhe në Irak dhe Siri.

Muajin e kaluar, ai që dyshohet se ka qenë sulm ajror izraelit, jashtë Damaskut, e ka lënë të vdekur një komandant të lartë të Gardës Revolucionare Islamike të Iranit./REL

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet Rama të pranojë një qeveri teknike siç pretendon Sali Berisha?



×

Lajmi i fundit

Uesley Sneijder dyshohet si i përfshirë në pastrim parash për një organizatë kriminale

Uesley Sneijder dyshohet si i përfshirë në pastrim parash për një organizatë kriminale