Shpërthimet e djeshme të ‘walkie talkie’ të Hezbollah, kompania japoneze ICOM: E kemi ndaluar prodhimin dhe eksportimin e radiove 10 vjet më parë!

Pajisjet radio 'walkie talkie' të Hezbollah të shpërthyera, të markës japoneze 'Icom'

Tokio- Kompania japoneze “Icom” thotë se ka ndaluar së prodhuari modelin e telekomunikacionit që dyshohet se është përdorur në shpërthimet e fundit në Liban, rreth 10 vjet më parë.

"IC-V82 është një radio portative (walkie talkie) që është prodhuar dhe eksportuar, duke përfshirë Lindjen e Mesme, nga 2004 deri në tetor 2014. Ajo u ndërpre afërsisht 10 vjet më parë dhe nuk është dërguar nga kompania jonë që atëherë", thotë ‘Icom’ në një deklaratë, raporton "La Repubblica".

Një valë e re shpërthimesh shkatërruan Libanin pasditen e djeshme, kryesisht duke përfshirë telekomandë të përdorur nga anëtarët e Hezbollahut, një ditë pasi mijëra njerëz u plagosën kur biperat (pagers) e tyre shpërthyen në një sulm të koordinuar, për të cilin fajësohet gjerësisht Izraeli.

Nga sulmet e organizuara të 17 dhe 18 Shtatorit në Liban dhe Siri, duke shpërthyer me telekomandë nga distanca mijëra pajisje elektronike që përdoreshin nga anëtarët e Hezbollah, deri tani raportohen 31 të vdekur, mbi 4 mijë të plagosur dhe 500 të verbuar.

Gazeta amerikane “New York Times” raporton se Izraeli është pas sulmit dhe prodhimit të pajisjeve, duke përdorur kompaninë guaskë “BAC Consulting” në Budapest të Hungarisë dhe dy shoqëri të tjera fiktive ‘fantazmë’, për të manipuluar liderët e Hezbollah në porosinë e bërë.

Organizata e drejtuar nga Nasrallah kishte dhënë urdhër për heqje e celularëve, pasi Izraeli i gjurmonte dhe zëvendësimin me pajisje komunikimi si biper apo radio.

Lajmi kryesor:

Sulmi ndaj Hezbollah/ Rritet bilanci i viktimave, 31 të vdekur dhe 4300 të plagosur! NYT: Izraeli prodhoi pajisjet, u kamufluan pas shoqërive ‘fantazma’

A.Q/Shqiptarja.com

TAG:
• lufta ne rripin e gazes
• Hezbollah
• izraeli
• Liban
• biper i shperthyer ne liban