Shpërthimet në veri të Kosovës, zyrtari në Mitrovicë: Kishte policë me armë automatike, një kolege u dërgua në emergjencë

Drejtor i Administratës së Sporteve në Mitrovicën Veriore, Petar Trajkoviq objekti i të cilit gjendet afër objektit të komisionit zgjedhor komunal, në të cilin sot kanë hyrë anëtarët shqiptarë të shoqëruar nga policia e Kosovës, thotë se situata ka qenë shumë e tensionuar.

“Në fund të orarit të punës dëgjuam një përplasje, një përplasje dere dhe më pas tre shpërthime të forta. Shikova nga dritarja dhe pashë policë të armatosur me automatikë në duar, por edhe policë të armatosur me rroba civile. Punonjësit kanë përjetuar stres nga shpërthimet, sidomos femrat, na është dashur ta çojmë një kolege në urgjencë”, thotë Trajkoviq për Kosova Online.

LEXO EDHE:
U ndalua në Serbi, lirohet zëvendësdrejtori i Policisë së Kosovës

Ai shton se kjo mënyrë për të hyrë në ambientet e dikujt është absolutisht e dënueshme dhe se e gjithë kjo ka mundur të organizohet në mënyrë paqësore.

“E gjithë kjo mund të ishte zbatuar ndryshe, në mënyrë paqësore dhe demokratike, dhe jo duke përdorur bomba dhe armë”, shton Trajkoviq.

I pyetur nëse ka pasur njoftime se kjo do të ndodhë, Trajkoviq tha se nuk ka pasur.

“Ne nuk dinim asgjë, ishim duke bërë punët tona dhe ishim në vendet tona të punës, derisa e gjithë kjo ndodhi pas orarit të punës”, shtoi ai.

Trajkoviq thotë se shpreson që situata të tilla të mos përsëriten në ditët në vijim, duke qenë se objektet e KKZ-së janë rrënuar, por sigurisht që ka tension mes qytetarëve të Mitrovicës së Veriut.

“Zyrat që ishin të destinuara për kryerjen e funksioneve të KKZ-së nuk janë në funksion sepse janë rrënuar tërësisht, do të shohim se çfarë do të ndodhë”, përfundon Trajkoviq.

Lajmi kryesor:

6 shpërthime në veri të Kosovës! Kurti: Sulme nga Serbia! Vuçiç: I urdhëroi Prishtina! KFOR shpërthim i kontrolluar i bombës brenda zyrave të KKZ-së

G.MO/KT/Shqiptarja.com

TAG:
• Dialogu Kosovë Serbi
• plani franko-gjerman
• Mitrovice
• aleksander vucic
• Albin Kurti
• reciprociteti i targave
• kosove
• tensione ne veri te kosoves