KOSOVË- Ditën e djeshme Në një restorant në lagjen “The village” në Ferizaj, në Kosovë ka ndodhur një shpërthim i një bombole gazi, si pasojë e të cilit kanë mbetur shumë të lënduar.
Në mesin e tyre edhe Leonora Beka dhe katër familjarë të saj, ajo në një lidhje direkte për emisionin, gjesi në T7 ka treguar se si i ka shpëtuar shpërthimit dhe në çfarë gjendje janë familjarët e saj që po trajtohen në spital.
Leonora Beka e cila jeton në Zvicër por ka ardhur për pushime në Kosovë ka thënë se i ka të lënduar babain, vëllain, nusen e vëllait dhe vajzën e vëllait të tij, 5-vjeçare.
Në momentin e shpërthimit ajo thotë se ka qenë në banjo, e rrjedhimisht ka shpëtuar me lëndime të vogla.
Ajo thotë se nusja e vëllait është në muajin e tretë të shtatzënisë e ka pësuar lëndime të rënda.
“E kam babin, vëllain, nusen e vëllait dhe çikën e vëllait 5 vjeçare, vëllain e kam shumë të lëndum edhe babain janë në Prishtinë në QKUK. Dy duart dhe këmbët i ka nusja edhe është shtatzënë, vajzës iu ka djegë veshi, qafa, flokët edhe gjysma e fytyrës. Nusja e ka komplet fytyrën, flokët deri në lëkurë. Unë kam shpëtuar veç flokët i kam pak të djegëta”, ka thënë ajo.
“Në muajin e tretë të shtatzënisë, por, për momentin bebja është mirë. Nusja krejt i mbanë mend, veç nuk e dinë që kemi me i transferu për Turqi. Duhemi me e përgatitë me i tregu. I falënderoj të gjithë që na kanë ndihmu, taksisat na kanë qu krejtve në spital. Një barnatore në Ferizaj na kanë dhënë me paketa ndihmë nuk kanë shiku, s’ka pas as gjilpëra për infuzione, as infuzione as sen s’ka pas. Me barna me krema na kanë dhanë”, shton e njëjta.
Vëllai i saj, sipas dëshmitares është në listën e personave që do të dërgohen për shërim jashtë vendit.
“90% është e sigurt që kanë me i qu sot, vëllai i jem është në atë listë, babai ka me nejt këtu. Baba fytyrën e ka, duart edhe kokën. Unë jetoj në Zvicër, dola me babanë, motrat, vëllezërit, me hëngër një drekë, pasi kemi hangër drekë ndodhi rasti unë patjetër duhna me u kthy”, ka thënë e njejta
Shpërthimi ndodhi ditën e djeshme në një restorant në Ferizaj të Kosovës, ku ka lënë pas mbi 50 të lënduar mes tyre edhe dy fëmijë. Pavarësisht një pjesë e të lënduarve janë në gjendje të rëndë, pasi kanë marrë djegie të shkallës së dytë edhe të tretë, fatmirësisht ende nuk është raportuar asnjë viktimë, nga shpërthimi.
Komente
Lajme të tjera
-
VIDEO/ Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve
25 Dhjetor, 16:02 -
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Osmani: Lista Serbe është angazhuar në akte terroriste dhe akte agresioni
24 Dhjetor, 19:57 -
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Kosovë/ Kurti lë jashtë zgjedhjeve Listën Serbe, anëtarët e Vetëvendosjes votojnë kundër, KQZ nuk certifikon pjesëmarrjen
23 Dhjetor, 15:47
Te shkuara, sherim sa me te shpejte per te gjithe.
Përgjigju