TIRANE- Çanta me dokumente që ndodhej mbi kroskotin e makinës, ka qenë fatsjellëse për inxhinieren e ndërtimin Entela Çano, 38 vjeçe pasi ka amortizuar shpërthimin me telekomandë të rreth 50 gr tritol që ishte vënë poshtë makinës së saj që në Kavajë, duke e shpëtuar edhe pa dëmtime. Policia e Durrësit ka dhënë detaje për shpërthimin e ndodhur mesditën e djeshme në vendin e quajtur “Mbikalimi i Sukthit” dhe sipas tyre është duke u hetuar në pistën e konkurrencës. E pyetur nga “Shqiptarja.com”, inxhinierja Çano ka deklaruar se, “e rëndësishme është që jam mirë”. Çano është pronare e studios së projektimit “A & E Engineering”, dhe ka qenë duke udhëtuar me makinën e saj tip Mitsubishi kur pranë një karburanti në rrugën mes Durrësit dhe Tiranës, ka shpërthyer makina duke u përfshirë menjëherë nga flakët. Për fat të mirë, drejtuesja e mjetit ka dalë menjëherë duke shpëtuar edhe pa dëmtime.
SHPËRTHIMI I MAKINËSPak minuta pasi kishte kaluar ora 13:00, inxhinierja Entela Çano ka dëgjuar një shpërthim në makinën e saj dhe mjeti i është përfshirë nga flakët. Ajo menjëherë ka zbritur nga makina duke mos pësuar asnjë dëmtim, ndërsa flakët e kanë djegur të gjithë mjetin. Policia e Durrësit ka reaguar edhe zyrtarisht për ngjarjen e ndodhur, por duke mos dhënë shumë detaje. “Rreth orës 1:05 të ditës së sotme (dje) morëm njoftim për një mjet të përfshirë nga flakët në afërsi të vendit të quajtur “Mbikalimi i Sukthit” në rrugën interurbane kryesore Durrës-Tiranë. Në vend u dërguan menjëherë shërbime zjarrfikës dhe Policie, të cilët pas fikjes së flakëve dhe dhënies së ndihmës së parë drejtueses së mjetit fuoristradë Mitsubishi me targa AA 109 JE, 38-vjecares nga Tirana E.Ç., me profesion inxhiniere ndërtimi, e cila udhëtonte e vetme në mjet”.
HETIMET E POLICISËPasi është marrë informacioni, në vendin e ngjarjes kanë mbërritur forca të shumta policie. Menjëherë është ngritur dhe një grup hetimor. Burime nga uniformat blu të qytetit bregdetar kanë bërë të ditur se, inxhinierja Entela Çano ka qenë duke udhëtuar nga Kavaja në Tiranë. Gjatë hetimeve është zbuluar se, lënda plasëse e llojit tritol në një sasi të vogël ishte e montuar poshtë makinës në pjesën ku zakonisht vendosen këmbët e pasagjerit. Tritoli dyshohet se është vënë në Kavajë. Dëshmitarë dhe vetë inxhinierja kanë deklaruar se, në momentin kur ka ndodhur shpërthimi është dëgjuar një zhurmë e madhe. Sipas policisë, “çanta e drejtueses së makinës e ka shpëtuar atë, pasi duke qenë e mbushur me letra ka amortizuar shpërthimin”.
PISTAT E HETIMITPolicia e Durrësit është duke hetuar në disa pista në lidhje me ngjarjen. Fillimisht u mendua se shpërthimi i eksplozivimit mund të kishte lidhje me punën e bashkëshortit por më pas kjo gjë është përjashtuar. Aktualisht policia është duke hetuar në pistën e konkurrencës, pasi dyshohet se mund të ketë ndonjë përballje për shkak të detyrës dhe punës që Entela Çano kryen si inxhiniere ndërtimi. Përveç këtyre informacioneve, Policia e Durrësit ka vendosur që të kërkojë informacione dhe nga homologët e Tiranës meqenëse inxhinierja jeton në kryeqytet. Rreth 100 metra larg vendit ku ndaloi dhe makina e djegur rezulton të jetë krijuar një gropë në rrugë nga shpërthimi.
Shkrimi u publikua sot,9 maj 2014 në gazetën Shqiptarja.com (print)
Redaksia online
(d.a/shqiptarja.com)
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
69.3%
-
Jo
20.4%
-
Ndoshta
10.3%
Vota total: 397
Votat totale janë unike
Lajme të tjera
-
Zgjedhjet në Himarë, Braçe i ashpër me kandidatin e opozitës: Anëtari më i zëshëm i sillogjeve antishqiptare
22 Korrik, 18:59
-
Goditi me grusht Halit Valterin, Tedi Blushi shoqërohet në polici
22 Korrik, 18:50
-
Kamala Harris flet për herë të parë pas tërheqjes së Biden: Trashëgimia e Biden është e pakrahasueshme në historinë moderne
22 Korrik, 18:49
-
A duhet të ndalet përdorimi i euros për pagesa në Shqipëri? Si votuan qytetarët në sondazhin e Shqiptarja.com
22 Korrik, 18:39
-
Qeveri teknike? Braçe i prerë me opozitën: Koha kur pushtetet vendoseshin në tavolinë ka marrë fund! Te ‘Dezinformimi’ nuk i marr me zor
22 Korrik, 18:32
-
Emanuela Rusta do të vendosë drejtësi në gjysmëfinalen e Kampionatit Europian
22 Korrik, 18:28
-
Braçe për Report Tv: Mandat i kufizuar me 4 vite për drejtuesit e institucioneve! Betejë korrupsionit, secili përballet vetëm në SPAK
22 Korrik, 18:27
-
Dumani në Kuvend, Braçe: Turp, seanca kaloi në kontroll politik, u mor në pyetje nga personat që po heton! PS s’duhej ta kishte lejuar
22 Korrik, 18:07
-
FOTO/ Ja momenti kur Tedi Blushi godet pabesisht pas shpine me grusht Halit Valterin! Anëtari socialist bën kallëzim në polici
22 Korrik, 18:01
-
Incidenti në këshillin bashkiak të Tiranës, Meta: Nga sot Partia e Lirisë është në gjendje lufte me Veliajn
22 Korrik, 17:54
-
21 janari, Braçe thirrje Bashës, Metës e Berishës: Mos u kacafytni, tregojani SPAK-ut çfarë dini për njëri-tjetrin! Jeni bërë halucinantë
22 Korrik, 17:53
-
Çiklizëm/ Tadej Pogacar vendos rekord, fitore historike në Tour de France
22 Korrik, 17:51