Video nga shpërthimi në biznesin e ish-sekretarit të PD-së në Prrenjas, iu hodh granatë dore! Në pranga dy autorët

PËRRENJAS- Në biznesin e Dhimitër Kokonozit nuk është vendosur tritol, por granatë dore. Ky ka qenë përfundimi i policisë së Librazhdit, për shpërthimin në bar-bilardon e Kokonozit më 22 nëntor rreth orës 02:30. Rei Karriqi dhe Arjan Pano, 23 vjeç dhe 42 vje­ç të dy banues në lagjen nr 2 në Prrenjas në bashkëpunim me njëri-tjetrin kanë vënë një granatë dore në verandën e lokalit të Kokonozit.

Report Tv ka siguruar edhe pamjet e shpërthimi me garanatë në biznesin e ish-sekretarit të PD-së në Përrenjas, ku shihet që 2 persona hedhin granatën e më pas ndodh shpërthimi.I kontaktuar nga Report Tv, Mariglen, djali i Kokonozit tha se autorët i njeh si fytyra, por nuk ka pasur komunikim apo konflikt me ta. Megjithatë shprehet se ngjarja mund të ketë ndodhur për çështje inati, ndërsa nuk dha detaje të tjera.

Njëri prej të ndaluarve rezulton me precedent të theksuar kriminal, në Shqipëri dhe në Itali, për vepra penale në fushën e krimeve ndaj personit dhe pronës. Në cilësinë e provës materiale, u sekuestruan 2 aparate celulare që mund të shërbejnë për dokumentimin e plotë të motivit dhe të rrethanave të kësaj ngjarjeje.

Materialet procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme hetimore.

Rendit zhvillimet sipas orarit:
Ora 19:54
Report Tv siguron VIDEO-n! Momenti i shpërthimit në biznesin e ish-sekretarit të PD-së në Prrenjas! Dy persona hedhin granatë dore


Këto janë pamjet e shpërthimit të ndodhur orët e para të mëngjesit të 22 nëntorit në biznesin e ish-sekretarit të PD-së në Prrenjas.

Në videon e siguruar për Report Tv, nga gazetari Ronaldo Gjoshi, shihet teksa se dy personat, Rei Karriqi, 23 vjeç dhe Arjan Pano, 42 vje­ç afrohen pranë ambienteve të biznesit, një bar-bilardo dhe hedhin granatë dore.

G.MO/S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Pagë 'sheiku' në Arabi, Edin Dzeko kërkon largimin nga Fenerbahce

Pagë 'sheiku' në Arabi, Edin Dzeko kërkon largimin nga Fenerbahce