POP 5

Lajmet më të lexuara të 5 minutave të fundit

Politikë

Shpëtim Idrizi për Report Tv: Nuk jemi shtojcë e Bashës, por opozita është e bashkuar!

Shtatori do të jetë një muaj i rëndësishëm edhe për partitë e vogla. Kreu i PDIU, Shpëtim Idrizi komentoi thirrjen e ambasadores Yuri Kim drejtuar krerëve të partive politike, duke e quajtur një presion pozitiv që do të nxisë përzgjedhjen e kandidatëve më të mirë për të shkuar në zgjedhje. Idrizi tha se nuk sheh asnjë mundësi që të futet në listat e partisë kryesore opozitare, por thotë se komunikimi me kryedemokratin Basha është i vazhdueshëm për të gjetur formulën që do t’i cojë të bashkuar në zgjedhje.

Ndryshimet kushtetuese për listat e hapura zgjedhoreve, i kanë parë si tentativë e kryeministrit Edi Rama për të dëmtuar koalicionin e opozitës jashtëparlamentare, por sipas kryetarit të Partisë Drejtësi, Integrim dhe Unitet, Shpëtim Idrizi opozita e bashkuar është më solide se kurrë. Me kryedemokratin Lulzim Basha, thotë se e bashkon nevoja për t’u siguruar shqiptarëve zgjedhjet  e duhura.

“Ne kemi një marrëveshje me partinë Demokratike për të shkuar bashkë në zgjedhjet e ardhshme parlamentare, deri më sot janë në një koalicion të përbërë, nuk kanë ndryshuar. Partitë aleate të PD nuk janë shtojcë apo varen nga zoti Basha, ne kemi interes reciprok të jemi bashkë, por jo më shumë se kaq”,- thotë Idrizi.

Thirrjen e ambasadores Yuri Kim drejtuar kryetareve të partive, Idrizi e shikon si presion pozitiv për një garë me njerëz që nuk kanë lidhje me krimin.

“Shtetet e Bashkuara të Amerikës dhe në këtë rast ambasadorja e kanë parë të nevojshme për ta bërë këtë thirrje nisur edhe nga ajo që ka ndodhur gjatë zgjedhjeve të kaluara. Është një këmbanë alarmi në politikën shqiptare, e cila do të na vërë të gjithëve në presion pozitiv në mënyrë që parlamenti të ketë përfaqësues dinjitoz”,- shprehet kreu i PDIU.

Nisja e konsultimeve nga Presidenti për një datë zgjedhjesh për  Idrizin do te thotë prag fushate, e cila sipas këndvështrimit të tij do të jetë e vështirë si pasojë e ndryshimeve kushtetuese. Ndonëse pranon se vendit i duhen alternativa të reja, kreu i PDIU është skeptik për krijimin e partive të tjera, të cilat sipas tij po krijohen nga njerëz që i shërbyen kryeministrit Rama.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57