Kryeministri Edi Rama ka dhënë pasditen e sotme një lajm të mirë, në lidhje me vogëlushen që u dogj në rreth 75% të trupit, pak muaj më parë.

Në faqen e tij zyrtare në Facebook, Rama ka publikuar foto të vajzës së vogël, ku shkruan se ajo tashmë është jashtë rrezikut për jetën dhe pritet të rikthehet në shtëpi.

Vogëlushja Altea u dogj në korrik të këtij viti me qumësht dhe rrezikonte jetën, nga plagët e marra. Nën kujdesin e qeverisë shqiptare, vogëlushja u nis për në Turqi, për kurim më të specializuar, prej ku ka mundur të shpëtojë. 

“A ju kujtohet Altea, bebja që u dogj dhe kishte vetëm një fije shprese për jetën? Sot ajo është jo vetëm përfundimisht jashtë çdo rreziku, po gati për t'u kthyer në shtëpi me prindërit e saj”, shkruan Rama. 

rama
(Postimi i kryeministrit Rama në Facebook)

Redaksia Online
D.Ç./Shqiptarja.com