POP 5

Lajmet më të lexuara të 5 minutave të fundit

Bota

Shprehu mbështetje për pengjet në Gaza, Turqia arreston futbollistin izraelit

Autoritetet turke arrestuan futbollistin izraelit, Sagiv Jehezkel, lojtar i klubit të futbollit, Antalyaspor. Sipas tyre, ai do të merret në pyetje pasi gjatë një ndeshjeje në ligën turke shfaqi solidaritetin me njerëzit që po mbahen pengje nga Hamasi, grupi palestinez i shpallur organizatë terroriste nga Shtetet e Bashkuara të Amerikës dhe Bashkimi Europian

Shprehu mbështetje për pengjet në Gaza, Turqia arreston futbollistin izraelit

Sagiv Jehezkel

Autoritetet turke arrestuan futbollistin izraelit, Sagiv Jehezkel, lojtar i klubit të futbollit, Antalyaspor. Sipas tyre, ai do të merret në pyetje pasi gjatë një ndeshjeje në ligën turke shfaqi solidaritetin me njerëzit që po mbahen pengje nga Hamasi, grupi palestinez i shpallur organizatë terroriste nga Shtetet e Bashkuara të Amerikës dhe Bashkimi Europian.

Sipas mediave turke, Jehezkel thuhet se u arrestua nga policia për hetim teksa po përgatitej të largohej nga Turqia të dielën mbrëma.

Ministri i Drejtësisë, Yilmaz Tunc, tha se ky shtetas po hetohet lidhur me dyshimet për “nxitje të hapur publike për urrejtje dhe armiqësi”. Përmes një postimi në X (ish-Twitter), Tunc tha se “Jehezkel ishte përfshirë në një gjest të shëmtuar, në mbështetje të masakrës izraelite në Gaza”.

Pasi shënoi golin e barazimit kundër klubit Trabzonspor, futbollisti shfaqi një fashë të lidhur në kyçin e dorës ku shkruhej se janë bërë 100 ditë që kur pengjet u rrëmbyen më 7 tetor, raportojnë mediat e huaja.

Ky gjest u vlerësua si provokues në Turqi, vend ku ka një kundërshtim të madh të hapur ndaj veprimeve ushtarake të Izraelit në Gaza dhe ku gjithashtu ka një mbështetje të madhe për palestinezët.

Ai është pezulluar nga ekipi dhe Ministri njoftoi se po bisedohet me avokatët e klubit për të shkëputur kontratën me futbollistin izraelit. Arrestimi i Jehezkelit ka nxitur zemërim në Izrael.

"Turp për Qeverinë turke", shkroi në X (ish-Twitter), ish-kryeministri izraelit, Naftali Bennet.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • mergimtari: 15/01/2024 14:43

    Arestimi apo denimi i tij eshte kunder te drejtave themelore te njeriut.Ne demokraci kushdo duhet te shpreh mendimin e tij kur ka shkeljeTe jetes te njerezve.Veprimi i organeve Turke apo i klubeve Gjermane (kur disa footbolliste dolen kunder veprimit te ushtrise te Izraelit mbi popullsin civile)jane element qe tregojne se nuk funksionon demokracia.

    Përgjigju
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Tragjedia ajrore në Uashington/ Në avionin edhe çifti i kampionëve patinatorë të famshëm! Media ruse: Bashkëshortët Syskova-Naumov ishin në bord (VIDEO)

Tragjedia ajrore në Uashington/ Në avionin edhe çifti i kampionëve patinatorë të famshëm! Media ruse: Bashkëshortët Syskova-Naumov ishin në bord (VIDEO)

30 Janar, 09:06