Rreth 2/3 e votuesve të Trump-it, sipas sondazheve në SHBA, mendojnë së atij iu vodh fitorja nga koalicioni Biden-Soros-Obama etj. Dhe më shume së 2/3 e votuesve republikane besojnë së ai do të rikthehet në Shtëpinë e Bardhë pas katër vjetësh.
Rreth 2/3 e votuesve të PD-së, sipas një sondazhi që zhvillova para dy javësh, mendojnë së Berisha duhet të jetë pjesë e grupit parlamentar demokrat, pavarësisht se është shpallur person 'non-grata' nga Departamenti Amerikan i Shtetit. Dhe ma do mendja së shumica dërrmuese e tyre besojnë gjithashtu se Trump do të rikthehet në Shtëpinë e Bardhë.
Berisha, duke qenë një nuhatës i stërvitur i humorit të elektoratit të PD-së, ka krijuar narrativen që shpallja e tij person 'non-grata' nga Departamenti i Shtetit Amerikan është një lëvizje konjukturale e nxitur nga Soros (miku Ramës), pasi aleatet e tij ideologjike erdhën në pushtet në SHBA. Kjo narrative e Berishës duket se ka ngjitur tek njerëzit e tij në PD, si dhe tek elektorati i thjeshtë demokrat. Dhe pavarësisht se nuk thuhet hapur, lihet të kuptohet së sapo të rikthehet Trump apo një pasues i tij në Shtëpinë e Bardhë, statusi i personit 'non-grata' do të zhbëhet.
Ndërkohë që një narrative e tillë mund ta mbajë më shpresë afatgjatë elektoratin e PD-së, ajo nuk i vjen në ndihmë kryetarit të saj, i cili ka një problem afatshkurtër. Në shtator, atij do t'i duhet ose të propozojë përjashtimin e Berishës nga grupi parlamentar i PD-së (siç ia ka kërkuar pothuaj publikisht ambasadorja amerikane), ose ta mbaje Berishën në grupin parlamentar (siç duan 2/3 e votuesve të PD-së).
Në skenarin e parë, Basha do të kishte përkrahjen e Uashingtonit, por do të mbetej më një parti të mpakur elektoralisht dhe parlamentarisht. Në skenarin e dytë, do të izolohej ndërkombëtarisht dhe do mbetej më një elektorat e grup parlamentar kompakt, por që do të mbahej vetëm më shpresën e vakët se pas katër vjetësh do të rikthehet Trump apo një pasues i tij në Shtëpinë e Bardhë. (Mos të harrojmë se para katër vjetësh, përkundër pritshmërive, Bashën nuk e ndihmoi fare vajtja e Trump-it në Shtëpinë e Bardhë).
I ndodhur aktualisht mes një Shihle e Karibde proverbiale, Basha duket i pavendosur. Deri më sot, ai nuk ka demonstruar ndonjëherë së ka karizmin dhe fuqinë oratorike për të ndryshuar trajektoren e opinionit të elektoratit, që ky i fundit ta mbështesë fort për vendime të vështira. Ai thjesht ka demonstruar se është një udhëheqës konjuktural, që thjesht pret radhën të vije në pushtet…
Lajme të tjera
-
11 Maji/ Berisha bën gati alibinë: Rama s’bën zgjedhje, por fasadë
22 Dhjetor, 15:24 -
Mbyllja e Tik Tok, Berisha: Edi Rama vendosi ta ndalojë, aksionet e tij kanë rënë në mediat sociale! Do hapet pas zgjedhjeve, vazhdoni postoni
22 Dhjetor, 15:20 -
Në 1995 e quajti spiun i sigurimit të Shtetit dhe bashkëpunëtor i Ramiz Alisë' - Berisha para dhe pas vdekjes së Azemit
22 Dhjetor, 13:59 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Trump emëron të dërguarin e posaçëm në Mbretërinë e Bashkuar
22 Dhjetor, 09:28 -
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
Biden nënshkruan ligjin për financimin e qeverisë, shmanget mbyllja e pjesshme e saj
21 Dhjetor, 19:23 -
Ylli Pata: Pse Berisha zgjodhi të bllokojë rrugët para Krishtlindjeve?
21 Dhjetor, 18:24
-
Protesta e opozitës të hënën/ Zbardhet ‘skenari’, rrugët do të bllokohen! Berisha i pranishëm për herë të parë pas lirimit nga 'arresti shtëpiak'
21 Dhjetor, 17:51 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Trump do t’u kërkojë vendeve të NATO-s të rrisin shpenzimet për mbrojtjen në 5% të PBB-së
21 Dhjetor, 16:55 -
Kur Sali Berisha thoshte në Parlament: Nëse dëshironi ua sjell edhe këtu Damir Fazlliç
21 Dhjetor, 11:11
