Shpresë për të gjetur të mbijetuarit në Turqi dhe Siri, shpëtohet nëna dhe vajza pas 68 orësh nën rrënoja

Një nënë dhe vajza e saj gjashtë vjeçare u shpëtuan nga një shtëpi e shembur në qytetin turk të Kahramanmaraş të enjten, 68 orë pas tërmetit me magnitudë 7.9 që goditi Turqinë dhe Sirinë të hënën.

Organizata gjermane e ndihmës @fire, që punon së bashku me organizatën britanike të ndihmës SARAID, tha në një  deklaratë  se nëna dhe fëmija ishin vendosur në rrënojat e ndërtesës së shembur rreth orës 5 të mëngjesit me orën lokale të së mërkurës.

“Për gati 20 orë, punonjësit e ndihmës në rast fatkeqësish punuan përmes rrënojave. Duke përdorur pajisje të rënda dhe punë manuale, detyra ishte krijimi i një tuneli përmes rrënojave në mënyrë që të mund të shpëtonin nënën dhe fëmijën”, thuhet në deklaratë.

Misioni i shpëtimit ishte një garë me kohën ka thënë organizata duke vënë në dukje se të dy ishin në rrezik ngrirjeje deri në vdekje nga temperaturat nën zero.

 

Lajmi kryesor:

Tërmeti tragjik në Turqi dhe Siri, mbi 21 mijë viktima! Ftohtë dhe pa ushqim, OBSH ngre alarmin: Të mbijetuarit në prag katastrofe edhe më të madhe

F.D/Shqiptarja.com

TAG:
• turqi