TIRANE-Shpërthimi i argjendarisë në ish bllok ditën e hënë ka ardhur si pasojë e një pakujdesie njerëzore. Në këtë përfundim paraprak ka arritur deri më tani grupi hetimor sipas të cilit dyshohet se shpërthimi në flakë ka ndodhur nga rrjedhja e gazit teknik nga një bombol që përdorej për përpunimin e floririt dhe metalit, në ambientin e bodrumit të argjendarisë. Sipas të dhënave paraprake dyshohet se ngjarja mund të ketë ardhur nga rrjedhja e gazit teknik e provokuar nga një shkëndijë elektrike. Një version i tillë konfirmohet edhe nga Inspektorati Shtetëror Teknik Industrial në raportin për ngjarjen e djeshme që shkaktoi panik dhe frikë në Bllok.
"Rrjedhja nga instalimi i bombolës 15 Kg me pajisjen e saldimit (apo të shkrirjes) nëpërmjet tubit të gomës dhe krijimit të përzierjes eksploduese në kufijtë kritik. Sipas rregullit teknik përqindja në vëllim e fazës së gaztë të GLN-es me ajrin në të cilën krijohet përzierja eksploduese është 2 – 10 % si dhe duke patur parasysh që pesha specifike e GLN-es është më e rëndë se e ajrit, çka do të thotë se GLN-ja qëndron në kuotën më të ulët të ambientit në të cilin është instaluar bombola, krijimi i këtij ambienti eksplodues dhe nxitja nga një faktor i jashtëm si shkëndijë elektrike, çelësi elektrik apo kyçje – ç’kyçje e paisjeve elektrike, ose ndezja e një shkrepseje (flake të lirë) nga përdoruesi, sjell eksplozionin.
Keqmontimi i bombolës së GLN-es me pajisjen e saldimit (apo të shkrirjes), shtrëngimi i rekorderive dhe i fashetave metalike për bashkimin e tubit të gomës me reduktorin e presionit. Gjendja jo e mirë teknike e tubit të gomës, si plasaritje, si rrjedhojë e afatit të gjatë të përdorimit, të cilat nuk dallohen sepse tubi i gomës është djegur. Gjendja teknike e pajisjes së saldimit (apo të shkrirjes). Nga veprimi i gabuar i përdoruesit që mund të jetë:
– lënia hapur e linjës së gazit, ventilit të pajisjes së saldimit (apo të shkrirjes)
– përdorimi i mjeteve ndezëse shkrepëse apo cigare.
Mbi bazën e informacioneve të grumbulluara për momentin dhe nga kqyrja e dy bombolave papaprakisht rezulton se ngjarja ka ardhur si rezultat i një pakujdesie ose gabimi njerëzor" thuhet në raportin e ISHTI-në.
Bombolat që ndodheshin në bodrum ishin mbushur me gaz teknik dhe propan që merret me përpunimin e floririt. Ndërkohë vijojnë hetimet për të zbardhur se çfarë ka ndodhur në të vërtetë në argjendarinë e Sokol Pirra mesditën e së hënës ku plagos rëndë pronari dhe bashkëshortja e tij Alma Pirra, punonjësja e tyre një 18 vjeçare dhe dy djem kalimtarë të rastësishëm. Burime për Report tv bëjnë me dije se inspektori i ISHT nuk ka kryer kontroll pasi në këtë rast ngjarja mund të ishte parandaluar.
Montojne tubin ne bombol dhe nuk e provojne me shkume per rrjedhje
Përgjigju