POP 5

Lajmet më të lexuara të 5 minutave të fundit

Ekonomi

Shqipëria e fundit për ekonominë
qeverisjen e demokracinë

Shqipëria paraqitet me rezultate negative në aplikimin e demokracisë, në ecurinë ekonomike, cilësinë e jetës apo qeverisjen. Ky është konkluzioni i Institutit të Shoqërisë së Hapur të Bullgarisë
Shqipëria e fundit për ekonominë<br />qeverisjen e demokracinë
Një institut studimor në Sofje (Open Society Institute) ka zhvilluar një studim të financuar nga Iniciativa e Politikave Evropiane, për të analizuar përparimin që kanë bërë vendet e reja anëtare dhe kandidate për në Bashkimin Evropian, në rrugën e tyre të mundimshme drejt afrimit me vendet më të zhvilluara të BE-së. Për këtë, ajo ka ndërtuar një indeks (The Catch-Up Index) që ponderon renditjen relative të vendeve anëtare, kandidate dhe kandidate potenciale në katër drejtime kryesore: ekonomi, cilësi e jetesës, demokraci dhe qeverisje. Në renditjen sipas indeksit të ponderuar, Shqipëria ndan vendin e fundit me Bosnjën me pikë të barabarta (21). Të parët në këtë renditje dalin shtete si Luksemburgu, Danimarka dhe Suedia me 71 pikë.

SHQIPERI
Në drejtimin ekonomik, aq shumë të trumbetuar nga qeveria Berisha, Shqipëria është në fund të listës, me 27 pikë (njësoj sa Bosnje-Hercegovina) dhe 6 pikë pas Maqedonisë e Malit të Zi.
Në drejtim të cilësisë së jetesës vendi ynë vlerësohet se ia kalon "rivalit" boshnjak me 2 pikë, duke qendruar në një nivel me Turqinë.
Në drejtim të demokracisë, renditja e vendos Shqipërinë në një mënyrë të tillë, që ja kalon me 1 pikë vetëm Turqisë, që është në vend të fundit me 14 pikë. E para në drejtim të demokracisë është Suedia me 75 pikë.
Së fundi, vetëm në drejtim të efektivitetit të qeverisjes kemi dy vende poshtë nesh, Serbinë dhe Bosnjën, me 18 dhe 16 pikë (Shqipëria vlerësohet me 20 pikë, ndërsa Danimarka, që është e para, ka 77 pikë).
ÇFARE ESHTE INDEKSI  "CATCH UP"?
Indeksimi "Catch Up" synon të japë përgjigje për pyetjen: sa po u afrohen 10 vende ish-komuniste standardeve të vendeve të Bashkimit Evropian, ku synojnë të aderojnë? Në tërësi, studimi kryhet për 35 vende, ku përfshihen edhe vende të zhvilluara të BE-së, për të parë dhe krahasuar mes tyre rezultatet në fushat e ekonomisë, qeverisjes, cilësisë së jetës dhe demokracisë në këto vende.
(sg/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57