Për një sezon turistik të mirë-menaxhuar, Ministria e Brendshme, përmes Policisë së Shtetit, IKMT dhe Shërimit Zjarrfikës po zbaton planin kombëtar “Safe Stay in Albania”. Për ministrin e Brendshëm Taulant Balla, vizioni “Shqipëria 2030” ka në themelin e vetë, pakthyeshmërinë e progresit të arritur, ku spikat ai në turizëm. Të angazhuar për mbarëvajtjen e sezonit do të jenë mbi 1600 efektivë policie.
Në planin e madh të masave janë parashikuar të angazhohen në këtë operacion do ta quaja kombëtar “Safe stay in Albania”, plot 1635 punonjës të policisë, pjesa më e madhe e tyre pjesë e forcës kombëtare të sigurisë publike, por brenda kësaj një zë i rëndësishëm është numri i punonjësve të policisë të qarkullimit rrugor të cilët do të jenë në bashkëveprim me entet e tjera publike për të siguruar sa më shumë siguri rrugore në rrugë gjatë këtij sezoni
Risia këtë vit, përveç Forcës Kombëtare të Sigurisë, është edhe pjesa që ndërlidh tre shërbime publike, përmes Trupës së Ndërhyrjes Teknike, bëhet fjalë për Policinë e Shtetit, Shërbimin Zjarrfikës dhe Shpëtimit, si dhe Urgjencën Kombëtare.
Ky shërbim ka qëllim që të mbërrijë sa më shpejt pranë një aksidenti rrugor me qëllim që të jepet ndihma e parë në kohën e duhur dhe të zhbllokuar po ashtu edhe trafikun e bllokuar në raste incidentesh rrugore, deklaroi ministri I Brendshëm në takimin “Rrugë të sigurta, turizëm i sigurt”, organizuar sot në Tiranë.
Ndërkohë në funksion të monitorimit të akseve rrugore, do të përdoren pajisje të teknologjisë së lartë si kamera, radarë e drone.
"Do të përdorim dronët edhe për monitorimin e trafikut në pikat e nxehta, për të pasur një informacion të detajuar gjatë 24 orëve të ditës, për të gjitha dhe për të njoftuar publikun në rastet e nevojës për të shmangur pika të caktuara të nxehta me një trafik të shtuar"
Gjatë gjithë sezonit turistik masat pritet të jenë të rrepta, ndërsa 6 trupa që do të operojnë në formën e task-forcave në territor, një bashkëpunim mes disa ministrive. Gati tashmë janë edhe stacionet shtesë të policisë për sezonin turistik në Thesh, Valbonë, Tale, Gjirin e Lalzit, Palasë dhe në Ksamil. Edhe në kalatën e Komanit, një shërbim policie 24 orë për monitorimin dhe rritjen e parametrave të sigurisë në lidhje me veprimtarinë e mjeteve lundruese në liqenin e Komanit.
Lehtësira janë parashikuar edhe në pikat e kalimit kufitar me Kosovën, teksa në javën e ardhshme do të ketë lehtësim edhe në pikat e tjera, përveç Morinit që është bërë prej disa javësh.
“Besoj deri javën tjetër, bashkë me Ministrin Sveçla, do të njoftojmë edhe lehtësimin e kalimit edhe në pikat e tjera të kalimit kufitar me Kosovën, për të mundësuar, le të themi, kalim të lirshëm të kufirit për të gjithë turistët, qofshin qytetarë të Kosovës apo të Shqipërisë që duan të shkojnë në Kosovë” shtoi më tej Balla.
Hiqni vendgrumbullimet anës rrugëve, ose ndëshkime
Ndërkohë prej muajit shkurt ka nisur operacion i përbashkët i IKMT dhe Policisë së Shtetit, për të larguar vendgrumbullimet e mjeteve motorike nga anët e rrugëve kombëtare.
Shembulli më tipik ishte një rast në rrugën Elbasan Qaf Thanë ku një dum dum kinez kishte dekada, madje që para ndryshimit të sistemit që rrinte në krahë të rrugës dhe askush nuk shkonte që të pyeste i kujt është dhe pse nuk largohej prej aty dhe po ky dum dumi kinez ka qenë shpesh herë burim incidentesh rrugore m’u në krahë të rrugës dhe mendoj. Mendoj dhe që mund të ketë përsëri z. Drejtor apo drejtues të IKMT-së ende raste të tilla, të cilat duhen të pastrohen menjëherë dhe këtu gjejë rastin të falënderoj Autoritetin Rrugor Shqiptar për disponibilitetin në kuadër të këtij bashkëpunimi.
“Janë identifikuar 600 pika grumbullimi mjetesh dhe pjesësh dhe zotëruesit e të cilëve janë detyruar sipas ligjit t’i zhvendosin vullnetarisht brenda një afatit të arsyeshëm dhe më pas kemi ndërhyrë po sipas ligjit, në masat që lidhen qoftë me masat administrative, qoftë me sekuestrime apo mbyllje të këtyre aktiviteteve’ tha Balla.
Ndërkohë për projektin “Smart City” të përdorimit të inteligjencës artificiale shpreson të nisë vitin e ardhshëm
“Nuk jemi gati, do kisha dashur shumë që të ishim gati me projektin “smart city”, të zbatuar, por jam shumë krenar që falë mbështetjes së Kryeministrit, dhe falë mbështetjes dhe bujarisë të qeverisë të EBA, në të gjitha qytetet kryesore të Shqipërisë, përfshirë këtu dhe zonat turistike, ne do të kemi gati, shpresoj vitin e ardhshëm, edhe pjesën që lidhet me sigurinë publike, mbrojtjen e jetës dhe pronës private, edhe monitorimin e trafikut, në të gjitha qytetet kryesore të vendit dhe në të gjitha zonat turistike përmes një sistemi gjithëpërfshirës zgjedhjesh teknologjike, inteligjencë artificiale, të cilat na mundësojnë kalimin në një nivel tjetër të sigurisë publike” tha ai.
Për Shqipërinë ky është një sezon turistik shumë i rëndësishëm jo vetëm për të konsoliduar bumin që mori vitin e kaluar por dhe për ta çuar para në një nivel tjetër. Qeveria pret një rritje të turistëve këtë sezon veror me 30-40% krahasimisht me vitin historik 2023, prandaj qeveria po merr masa për të koordinuar punën ndërmjet ministrive për të siguruar mbarëvajtje.
Komente
Lajme të tjera
-
Turizmi, shqiptarët preferojnë pushimet jashtë, daljet u rritën me 14.7% në janar-tetor
20 Dhjetor, 11:05 -
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
'Express': Shqipëria, destinacioni i ri mesdhetar që turistët nuk duhet të humbasin në 2025
18 Dhjetor, 13:33 -
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Fatos Çoçoli: Vizitori i dhjetëmiliontë
11 Dhjetor, 18:28
-
Shqipëria rekord të ardhurash prej 3.9 mld euro nga turizmi, për 9 muaj fitoi 640 mln € më shumë se në 2023
11 Dhjetor, 16:07
-
Balla pret Presidentin e Institutit Italian për Kujdesin e Punëtorëve, në fokus të drejtat e punëmarrësve shqiptarë në Itali
6 Dhjetor, 14:23 -
Sfidat e procesit të zbatimit të rekomandimeve nga institucionet e pavarura, Balla: Zbatueshmëria është në rritje, të adresojmë problemet!
4 Dhjetor, 15:03 -
Berisha kërkoi 1 minutë heshtje për profesor Repishtin, Balla e 'shigjeton': Fyerje, vite më parë e akuzove si spiun të Sigurimit (VIDEO)
3 Dhjetor, 16:48 -
Balla takim me ish-kryeministrin grek Jorgos Papandreu, në fokus forcimi i bashkëpunimit dypalësh mes vendeve dhe dialogu politik
2 Dhjetor, 20:07
Nëse në korrik nuk rrit 50% pagat e policëve përgatitu të dalësh vetë me ministrinë tënde të ruash semaforin sepse të gjithë do të ikin....
Përgjigju