Shqipëria e Mesme ka rritjen
më të lartë për frymë të PBB-së

Rajoni qëndror rezulton më i zhvilluari ekonomikisht nga rajonet veriore dhe jugore të Shqipërisë dhe niveli i PBB-së më i lartë në shkallë vendi në 2013 llogaritet me 643 mijë lekë, ose 38 % mbi mesataren e vendit, me një rritje 0,7 % më shumë, krahasuar me vitin 2012.

Në vitin 2013 niveli i PBB-së (Prodhimi i Brendshëm Bruto) për frymë në Shqipëri arriti në rreth 466 mijë lekë dhe krahasuar me vitin 2012, me rritje 1,44% të PBB-së.
Sipas INSTAT, në rajonin qendror, PBB për frymë ishte 557 mijë lekë, ose 19,6 % mbi mesataren e vendit, në rajonin verior 372 mijë lekë ose 20,2 % nën mesataren e vendit dhe në rajonin jugor 446 mijë lekë, ose 4,2 % nën mesataren e vendit.

Niveli më i lartë i PBB-së për frymë për qarqet në vitin 2013, ishte në Tiranë me 643 mijë lekë, ose 38 % mbi mesataren e vendit, me një rritje 0,7 % më shumë, krahasuar me vitin 2012.

Më pas renditen Fieri me 559 mijë lekë, ose 19,9 % mbi mesataren e vendit dhe me rritje 4,4 % ndaj vitit 2012, e pasuar nga Gjirokastra me 477 mijë lekë ose 2,27 % mbi mesataren e vendit, që gjithsesi rezulton me ulje 2,2 % ndaj vitit 2012.

PBB për frymë për qarqet e tjera ishte nën mesataren e vendit, ku më e ulta u shënua në qarkun e Lezhës me rreth 303 mijë lekë, ose 35 % nën mesataren e vendit.
PBB për frymë më të ulët e ka qarku i Dibrës me rreth 307 mijë lekë, ose 34,1% nën mesataren e vendit, pasuar me Elbasanin, ku PBB-ja për frymë është rreth 334 mijë lekë, ose 28,3 % nën mesataren e vendit.

Gjatë vitit 2013 u vu re se fuqia më e lartë blerëse mes rajoneve u shënua në rajonin qendror me 34,5%, në rajonin verior me 23% dhe në rajonin jugor me 27,6 %./ATSH/

Redaksia Online
(Gre.M/Shqiptarja.com)