Shqipëria gati dosjen e ekstradimit
të Dritan Rexhepit nga Ekuadori

Ministria e Drejtësisë në bashkëpunim edhe me Policinë e Shtetit është duke përgatitur dosjen për ekstradimin e Dritan Rexhepit, i arrestuar në Ekuador. Pasi është marrë konfirmimi për arrestimin e tij, ka nisur puna që dosja me akuzat që rëndojnë ndaj tij dhe dënimet që ka marrë të bëhen bashkë në një dosje që do të dërgohet drejt vendit të Amerikës Latine. Në fakt në garë për ekstradimin e tij janë edhe shtete të tjera të Europës si, Italia, Spanja apo Britania e Madhe, vende në të cilat akuzohet për vepra të rënda penale.

Arrestimi i tij është bërë i ditur dy ditë më parë nga Interpol Tirana. Në fund të muajit qershor, pas një operacioni policor anti-drogë organizuar nga policia Ekuadoriane në Quito, i kërkuari shqiptar, duke përdorur identitet të rremë, ishte një nga personat e arrstuar në poseidim të 278 kg kokainë. Pas një hetimi kompleks ndërkombëtar koordinuar nga Zyra FIS në Interpol dhe duke përfshirë Zyrat Qëndrore Kombëtare të Interpol Qutio, Interpol Tirana, Romë dhe Bruksel, si dhe Qëndrën e Drejtimit dhe Koodinimit dhe Zyrën e Gjurmëve Dakiloskopike, një nga personat e ndaluar në Quito është identifikuar si shqiptari Dritan Rexhepi.

Dritan Rexhepi 34 vjeç, është arratisur nga dhomat e paraburgimit në Durrës në vitin 2006, pasi ishte arrestuar për vrasjen me paramendim të një punonjësi policie dhe armëmbajtje pa leje. Për këtë vepër më pas është dënuar me 25 vjet burg. Pas një seri ekstradimesh pas arrestimit në Hollandë në vitin 2008, Rexhepi është përfshirë gjithashtu në arratisje nga burgu në Pavia të Italisë dhe Belgjikë ku vuante dënimet për trafik droge dhënë Itali dhe vjedhje me dhunë në Belgjikë. Me kërkesë të Shqipërisë, Italisë dhe Belgjikës, Rexhepi ishte bërë subjekt i tre Kartelave të Kuqe të Interpol dhe objekt i Operacionit Infra-Red.

Redaksia Online
(e.c/shqiptarja.com)