Rrëzimi i kërkesës së PD nga Gjykata Kushtetuese që i hapi rrugë hyrjes në fuqi të ligjit të Vettingut ka bërë jehonë edhe në mediat ndërkombëtare.
 
Kështu prestigjozja “Reuters” shkruan se vendimi i hap rrugë zbatimit të ligjit që kërkon Bashkimi Europian para fillimit të negociatave për anëtarësimin.
 
“Nëse rishikimi i gjyqësorit do të prodhojë rezultate gjatë vitit të ardhshëm Komisioni Evropian mund të sinjalizojë shtetet anëtare të BE-së dhe t’i këshillojë se Shqipëria është gati për bisedimet e aderimit” shkruan “Reuters”.
 
Kushti i vetëm i BE për Shqipërinë për hapjen e negociatave ishte pastrimi i gjyqësorit nga të korruptuarit përmes ligjit të shumëdiskutuar të Vettingut, që kundërshtohet ashpër nga PD.
 
BE përmes zyrtarëve më të lartë ka bërë shumë herë thirrje për arrestimin e 'peshqve' të mëdhenj.


dy.b/shqiptarja.com