POP 5

Lajmet më të lexuara të 5 minutave të fundit

Media

Shqipëria ka rrugë të mira?!
gazetari norvegjez kundër politikanit

Ndryshe nga deklarata e deputetit të Partisë Progresiste në Norvegji bërë më 27 shtator pas një vizite në Shqipëri, gazetari Hakon Aurlien konstaton se rrugët (sidmos Rruga e Kombit) janë kthyer në një rrezik të vërtetë për përdoruesit. Gazetari realizoi një reportazh mbi rrugët në Shqipëri.
Shqipëria ka rrugë të mira?!<br />gazetari norvegjez kundër politikanit
TIRANE - “Shqipëria na e ka kaluar. Ka rrugë më të mira se Norvegjia”. Kjo do të ishte deklarata e deputetit të Partisë Progresiste në Norvegji bërë më 27 shtator pas një vizite në Shqipëri, që do të hapte një debat të madh në vendin nordik. Një ndër vendet më të zhvilluara në botë tani krahasohej me Shqipërinë për rrugët e madje do të deklaronte se Shqipëria na e ka kaluar.

Deklarata e Bard Hoksrud bëri shumë bujë dhe shumë media e raportuan duke nisur një fushatë ndaj qeverisë që ndërton avash rrugët.

Ndërsa disa nga mediat norvegjeze i kushtuan një vëmendje të madhe kësaj deklarate, disa të tjera zgjodhën të shohin nga afër rrugët në vendin tonë.

Gazetari Hakon Aurlien ka udhëtuar nga Norvegjia për në vendin tonë ku ka realizuar një reportazh mbi rrugët. Pasi i ka dokumentuar me foto gjendjen e rrugëve, gazetari Hakon Aurlien shkruan se “Zbuluam dy gjëra: së pari, shqiptarët ndërtojnë shpejt dhe kjo është e vërtetë. Së dyti, nuk kanë kulturën e mirëmbajtjes së rrugëve”. Projekti i vetëm madhor në Shqipëri, shkruan më tej gazetari, është Rruga e Kombit, qe është ndërtuar aq shpejt, sa është kthyer në një rrezik të vërtetë për përdoruesit.

Sipas tij, rreziku për aksident në këtë projekt madhor rrugor është deri në 15 herë më i lartë se në rrugët e Norvegjisë.

“Ne natyrisht mund të përmirësojmë punën tonë përsa i përket sistemit rrugor, por ne duhet të jemi krenar për atë që kemi arritur deri tani”, -shkruan ai.

Deklarata se “Shqipëria na e ka kaluar përsa i përket rrugëve” është thjesht një mit”, -përfundon shkrimin gazetari .

“Shqipëria ndërton shpejt sepse planet e ndërtimit shkojnë paralelisht me ndërtimin,” thotë ai ndërsa shton se nuk behët asnjë studim për mjedisin.

gazetari norvegjez shqiperi rruge
shqiperi gazetari rruge
(Foto që gazetari norvegjez ka bërë gjatë reportazhit në Shqipëri)

(jd/Gre.M/Shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Modena/ Dy ‘skifterët’ shqiptarë grabitën 400 mijë euro mall në tetë ditë, 19 vjedhje në seri! Njëri i dënuar dhe për plagosje, plaçkitjet me orar

Modena/ Dy ‘skifterët’ shqiptarë grabitën 400 mijë euro mall në tetë ditë, 19 vjedhje në seri! Njëri i dënuar dhe për plagosje, plaçkitjet me orar

28 Nëntor, 16:34