POP 5

Lajmet më të lexuara të 5 minutave të fundit

Ekonomi

Shqipëria 'mbushet' me pensionistë, bien lindjet! 'Sigurimet': Në janar-qershor u shtuan 10 mijë pensionistë

Dhjetë mijë qytetare i janë shtuar skemës së pensioneve në 6-muajit e parë të vitit. Në raport me një vit më parë kjo shifër ka pësuar një rritje me mbi 6 mijë pensionit më shumë. Por në të njëjtën kohë ka rënë numri i lindjeve dhe i kontribuuesve. Për ekspertët këto luhatje demografike vënë në rrezik edhe skemën e pensioneve.

TIRANË- Më pak lindje dhe më shumë pensionistë. Është kjo luhatja demografike që vihet re nga të dhënat e muajve të parë të këtij viti.

Në Institutin e Sigurimeve Shoqërore nga Janari në Qershor janë 10 mijë e 148 persona të cilët iu shtuan kategorisë së pensionistëve të pleqërisë. Sipas të dhënave moshën e pensionit e kanë mbushur më shumë meshkuj ose 6,503 dhe femra vetëm 3,645.

Jo vetëm në paga por edhe në pension meshkujt marrin më shumë. Referuar raportit të Institutit të Sigurimeve Shoqërore, pensioni mesatar mujor për meshkuj është 16,384 lekë, ndërsa për femrat është 13,072 lekë. Një diferencë e tillë justifikohet edhe me pagën që iu është deklaruar këtyre pensionistëve të rinj në vitet e tyre të punës.

Teksa numri i pensionistëve është rritur, lindjet në 6-mujorin e parë të vitit kanë rënë me 8%. Konkretisht nga mbi 14 mijë në periudhën janar-qershor në 2019, në këtë vit kishim për të njëjtën periudhë vetëm 12 mijë e 250 lindje. Nga ana tjetër në sistemin e sigurimeve ka rënë edhe numri i kontribuuesve. Për ekspertët ulja e numrit të kontributeve vë në rrezik edhe masën e pensionit që përfitojnë qytetarët.

“Nëse ne kemi probleme demografike bëhet më e vështirë të realizojmë të ardhurat dhe bëhet edhe më e vështirë për të mbajtur skemën e pensioneve. Kështu edhe skema e pensioneve do të cenohet, dhe për prindërit tanë do të jetë më e vështirë të marrë pensione më të larta”, thotë eksperti i çështjeve ekonomike Azmi Stringa.

E ndarë sipas qarqeve, numri më i lartë i pensioneve të reja është  në Tiranë, Fieri, Korçë dhe Vlorë. Kukësi është qyteti me më pak pensionistë të rinj.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vera: 06/09/2020 21:05

    MBUSHJA E SHQIPERISE ME PLEQ eshte pasoje e politikes te qeverisjes te gabuar qysh ne 1990,,,kjo politike nuk ka punuar per mbajtjen e shqiptareve ne shqiperi,,,kjo politike eshte politike e shpopullimit,,,,sepse nuk favorizohen investimet e qendrueshme ne turizem e bujqesi qe do sillte punesimin e 1 milion shqiptareve,,,,por e kane mendjen te ndertojne vetem pallate...pika qe su bie... ../////

    Përgjigju
  • Qobani: 05/09/2020 17:41

    Të gjith tmoshuarit mundohen me u lehtsu prej gabimeve,dhe me u përmisu tek rinia,po i thot gruaja burrit a pom fal,isha e re dhe e bukur tkam mashtru vetëm dy her në jav,burri u rqeth dhe u mrrol,i tha në të ardhmen ti do tjesh lopa ime,unë kam met mjel tri her në dit! dhe iku

    Përgjigju
  • Pjeter: 05/09/2020 15:34

    Fai Rames,duhet te filloje paketen e katert bisneseve,te rrise pensionet,ti japi asistence atyre qe ngelen pa pune,eshte gjeja me e paket per nje qeverri te nje vendi te pasur si Shqiperia.Shqiptaret akoma nuk e kuptojne si funksionojne shtetet,te gjithe duan nga shteti,e konsiderojne si nje planet tjeter shtetin,nuk e kuptojne qe jane po ata shteti,shteti duhet ti japi atij ketij te gjitheve, nuk ka rendesi sa ne gjendje eshte dhe kush duhet ta krijoje ate gjendje te atille ne shtet qe tu pergjigjet nevojave te shqiptareve.Degjon komentet e njerezve,qe duan ndihma te gjithe me nje kriter Skandinav,por po pa e pasur minimalisht idene e te jetuarit ne shoqeri si ata,te gjithe duan te zhvatin shtetin.Si mund te pretendosh te te zgjidhin problemet qeverrite kur nje pjese e konsiderushme e votave te shqiptareve jan shit per dy grosh?keshtu i jep mundesi llumit te administroje pasurite e vendit,gje qe ndodhi deri tani.Kjo shoqeri e jona nuk eshte frut i qevertisjes Rama,eshte frut i lajthitjes komberare tash e 30-40 vjet me radhe ndoshta e me shume.Ne gjithmone presim te vijne te tjeret ti sistemojne gjerat sepse vete,jemi ne gjendje vetem te shkojme mbrapsh.Te ndihesh i pa shprese nuk te jep mundesi te mund te krijosh nje familje numerikisht te larte,me shume femije, prandaj te rinjte behen me femije gjithnje e me vone,kargohen nga vendi i pa shprese, keshtu eshte e natyrshme, ngelen vetem pleqte pensioniste,deri atehere kur mund ti paguhet pensioni.Po nuk patem nje fare ndergjegjesimi qe fai eshte vetem i yni dhe te kuptojme ku gabojme gjithmone,duke filluar qe nga koordinimi i zgjedhesve me te zgjedhurit per interesat e kombit,veshtire se ne mund te mbijetojme sa kemi mbijetuar deri sot.Kjo arrihet me ndergjegjesim te gjenerarave te ardheshme,dhe kjo behet me edukim,qe te arrihet te krijohet nje fare kulture e te jetuarit bashkarisht,me respekt te gjerave te perbashketa,te rregullave te perbashketa,vetem keshtu mund te krijojme nje minimum mirqenie te perbashket.Une nuk jam ne gjendje te bej analizen e sociologu,por jam i bindur qe kjo gjendje aktuale e shqiptareve si komb,eshte nje gjendje e tille sepse ka nje mangesi te theksuar kulturor te bashkejeteses.

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46