Shqipëria merr Presidencën e OSBE, Cakaj: Angazhim maksimal për të gjitha sfidat e Organizatës (VIDEO)

TIRANË- 1 janari shënon datën e marrjes nga Shqipëria të Kryesisë së Organizatës për Bashkëpunim dhe Siguri në Evropë. 

Lajmin e bëri të ditur Ministri në Detyrë për Evropën dhe Punët e Jashtme, Gent Cakaj, ku u shpreh se pas përfitimeve të jashtëzakonshme në fushën e sigurisë dhe zhvillimeve demokratike nga bashkëpunimi me OSBE-në që prej viteve 90' e tutje, Shqipëria për një vit me rradhë do të kryesojë Organizatën përgjegjëse për sigurinë nga Vankuveri në Vladivostok. 

“Shqipëria do të angazhohet për zgjidhjen dhe parandalimin e konflikteve, adresimin e kërcënimeve transnacionale, luftën kundër krimit të organizuar e korrupsionit, forcimin e proceseve demokratike e afirmimin për të drejtat dhe liritë themelore, mes tjerash.” -theksoi Cakaj në reagimin e tij. 

Gjithashtu, ai shtoi se Shqipëria do ta kryesojë OSBE-në me qasje bashkëpunuese e gjithëpërfshirëse dhe sjellje të përgjegjshme e profesionale.

Postimi i plotë i ministrit të jashtëm, Gent Cakaj

B.K./b.ha./Shqiptarja.com

TAG:
• OSBE
• Gent Cakaj