Zjarret në vendin tonë nuk dinë të ndalen ku vatra të reja shfaqen çdo ditë. Ndërkohë disa të tjera vijojnë.
Mbrëmjen e djeshme një zjarr masiv ka përfshirë një sipërfaqe me ullishte dhe pyllin me shkurre e bimësi në fshatin Drenovë, Mallakastër. Deri më tani janë djegur 40 hektarë me ullishte pyll dhe shkurre.
Ndërkohë disa vatra të tjera vijojnë të jenë aktive në Tiranë, Lezhë e Fushë-Krujë.
Kodrat e Priskës në kryeqytet prej disa ditësh vijojnë të jenë në flakë ku janë djegur shumë pyje. Ndërhyrja e zjarrëfikëses është e vështirë për shkak të terrenit jo favorizues.
Në Fushë-Krujë, në malin e Gamtit janë djegur dhjetra hektarë pyje e kullota.
Për shkak të terrenit tepër të thyer dhe mungesës së rrugëve është e pamundur të ndërhyhet nga toka.
Një vatër zjarri është aktivizuar në Librazhd në fshatin Arrëz. Zjarrfikësja ka shkuar drejt vendit ku ka rënë zjarri.
Zjarri ka rënë në një sipërfaqe kullote e pyje, por që nuk rrezikon banesa apo objekte të tjera.
Nuk dihen ende nëse zjarri ka qenë i qëllimshëm apo jo.
Vijon zjarri në malin e Gamtit, duke djegur hektarë tokë ndërsa i është afruar fshatit Rranxë.
Punonjësit e agjencisë së zonave të mbrojtura Durrës janë të vetmit që kanë ndërhyrë me mjete rrethanore për shuarjen e flakëve. Fatmirësisht intensiteti ka rënë, por zjarri vijon të jetë aktiv. Duhet theksuar se zjarri ka filluar pasditen e djeshme.
Prej disa ditësh vijon të jetë aktive vatra e zjarrit në kodrat e Kastrës në Elbasan.
Dhjetra hektarë shkurre dhe ullishte janë djegur deri më tani dhe situata paraqitet serioze.
Flakët e ndihmuar nga era përhapen në të gjithë territorin, ndërkohë që në pjesën prapa kodrës së Kastrës rrezikojnë të djegin banesat.
Nga autoritetet dyshohet për zjarrëvënie të qëllimshme ndërkohë që policia po punon për identifikimin dhe kapjen e autorit.
Prej disa ditësh kodrat e Priskës në kryeqytet janë përfshirë nga zjarret të cilat vijojnë ende.
Sipërfaqe të mëdha shkurresh janë djegur ndërkohë që ndërhyrja e zjarrëfikëses është e vështirë për shkak të terrenit jo të favorshëm.
Ndërkohë gjatë orëve të mbrëmjes, zjarret duket sikur i kanë ndezur kodrat.
Vetëm dy ditë më parë, Presidenti Ilir Meta publikoi në faqen e tij në Facebook një video ku shfaqeshin forcat zjarrëfikëse të cilët donin të shuanin zjarrin me mjete rrethanore.
Një zjarr masiv ka përfshirë një sipërfaqe me ullishte dhe pyllin me shkurre e bimësi në fshatin Drenovë Mallakastër mesnatën e djeshme (15 shtator).
Deri më tani janë djegur 40 hektarë me ullishte pyll dhe shkurre.
Zjarri ka nisur rreth mesnatës ndërkohë që intesiteti ka rënë, kjo dhe në sajë të punonjësve të zjarrëfikëses.
Sipas banorëve flakët kanë marrë përmasa të mëdha e duke iu afruar shtëpive.
Terreni është i vështirë për ndërhyrjen e zjarrëfikseve. Ndërkohë disa zona në Fier janë nën pushtetin e flakëve.
Sipas zjarrfikëseve të Fierit zjarret kanë përfshirë kodrat e Gjorgozit në Cakran duke djegur shkurre e ferra duke rrezikuar edhe vreshtat.
Terreni është i thyer duke bërë të vështirë shuarjen e flakëve. Në ndihmë kanë shkuar përveç forcave zjarrëfikëse edhe banorë të zonës.
Gjithashtu zjarret kanë rënë edhe në masivet me ullishte por më pas zjarri është shuar.
Pasditen e djeshme një zjarr ka rënë edhe në Grecalli në toka bujqësore por më pas është shuar.
Ende nuk ka një fatuë të dëmeve nga zjarret në Fier por përbëjnë një kërcënim për komunitetin.
Lajme të tjera
-
FOTO/ Makina digjet në mes të Tiranës, shkrumbohet nga flakët
23 Gusht, 14:20 -
VIDEOLAJM/ Shpërthen në flakë mjeti në Lezhë, shkrumbohet totalisht
23 Gusht, 11:32 -
Përfshihet nga flakët fabrika e këpucëve në Vorë, shtëllunga të mëdha tymi ‘mbulojnë’ zonën (VIDEO)
31 Korrik, 08:01 -
Digjet mjeti në Gjirokastër, shkak defekti në motor (VIDEO)
4 Korrik, 07:50 -
VIDEO/ Digjen 5 dyqane gjatë natës në Kamëz, dëme materiale
1 Korrik, 07:10 -
Vijon zjarri gjatë natës në fushën e mbetjeve në Përmet
27 Qershor, 08:00 -
Po digjte mbeturinat, por flakët i shkrumbojnë shtëpinë! Shpëton pronari në Fier (VIDEO)
10 Maj, 20:58 -
Fier/ Mjeti shkrumbohet nga flakët, shpëton mrekullisht shoferi (VIDEO)
23 Prill, 11:27 -
VIDEO/Makina përfshihet nga flakët, momentet dramatike kur shoferi shpëtohet nga kalimtarët!
23 Prill, 09:38 -
Shpërthen në flakë pusi i naftës në Fier, vendi mbulohet nga 're të zeza' tymi
14 Mars, 17:03 -
Merr flakë banesa në pallatin tre katësh në Fier, dalin në kohë dy të moshuarit (VIDEO)
12 Shkurt, 15:43 -
VIDEO/ Zjarri shkrumbon banesën në Blinisht të Lezhës, familja me 5 anëtarë në qiell të hapur! Kryefamiljari apel për ndihmë: Kanë mbetur veç muret
14 Janar, 08:57
