TIRANË - Në këto ditë kur marrëdhëniet mes politikës shqiptare dhe OSBE duket se kanë mëse të nevojshme shtigjet diplomatike, Shqipëria mbetet pa përfaqësues diplomatik në selinë qendrore të OSBE-së në Vjenë. Ambasadori shqiptar në OSBE Spiro Koçi ka përfunduar në dhjetor të vitit të kaluar mandatin 4-vjeçar dhe prej muajsh presidenti Bujar Nishani nuk po firmos dekretin e lirimit të tij nga detyra. Nëse Nishani nuk firmos dekretin, pritet që në vend të ambasadorit Koçi të dërgohet një i ngarkuar me punë.....Prej rreth një viti ambasadori ynë në OSBE qëndron në krye të kësaj selie diplomatike në shkelje me ligjin. Në dhjetor të 2014-ës diplomatit Spiro Koçi i ka përfunduar mandati 4-vjeçar, por ngërçi i krijuar në Shqipëri mes Presidentit të Republikës dhe Ministrisë së Punëve të Jashtme e ka lënë atë pezull.
Prej muajsh në tryezën e kreut të shtetit Bujar Nishani qëndron kërkesa e ministrit Ditmir Bushati për të liruar nga detyra ambasadorin shqiptar me argumentin e mbarimit të mandatit. Mungesa e një përgjigjeje nga ana e Presidentit përmes firmosjes së dekretit të lirimit, ka “detyruar” Ministrinë e Jashtme t’i drejtohet personalisht ambasadorit Koçi duke i kërkuar atij kthimin në atdhe brenda 1 tetorit.
Burime nga ministria thanë për Shqiptarja.com se në sajë të ligjit për shërbimin diplomatik, ambasadorët që përfaqësojnë Shqipërinë jashtë vendit, të cilëve i ka mbaruar mandati rikthehen në atdhe në pritje të një detyre tjetër të cilën ministria ja cakton, e drejtë kjo që gëzon një diplomat karriere.
Të njëjtat burime thanë se në kushtet kur kreu i shtetit nuk firmos dekretin e lirimit, ende nuk është menduar për emrin e ri të ambasadorit që do të zëvendësojë Spiro Koçin.
Sipas Kushtetutës, Presidenti është i vetmi që ka tagër ligjor të lirojë apo të emërojë ambasadorët me propozim të Kryeministrit.
Burimet nga Ministria, thanë për Shqiptarja.com se nëse kreu i shtetit do të krijojë një tjetër ngërç me mosfirmosjen e dekretit të ambasadorit të ri, në OSBE pritet të dërgohet një i ngarkuar me punë. E njëjta procedurë u ndoq edhe në rastin e Visar Zhitit, të cilin ministrja e Jashtme e dërgoi të “ngarkuar me punë” në Vatikan, në mungesë të “firmës” së Nishanit.
Deri kur te merret ky vendim, apo të vijë dekreti i presidentit, Shqipëria do të mbetet pa përfaqësues diplomatik në Vjenë, këto ditë kur dialogu mes politikës shqiptare dhe OSBE duket se është thelbësor. Marrëdhëniet mes përfaqësuesve të politikës u përkeqësuan pas publikimit në media të raportit konfidencial të OSBE-së, që përmbante informacione mbi lidhjen e zyrtareve të lartë me afera korruptive
Redaksia Online
(Gre.M/Shqiptarja.com)
Sondazhi i ditës:
Arrestohet Beqaj, po i përmbush SPAK pritshmëritë në luftën e korrupsionit?
-
Po
46.1%
-
Jo
47.1%
-
Nuk e di
6.7%
Vota total: 2291
Votat totale janë unike
Lajme të tjera
-
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59
-
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51
-
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45
-
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
-
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik
13 Prill, 19:27
-
Prezenca e OSBE-së organizon vizitë në Suedi për gazetarët shqiptarë, për të përmirësuar raportimin për çështjet e sigurisë
13 Prill, 14:03
-
Ambasadorët e QUINT-it në OSBE vizitë në Shqipëri: Përmbushni rekomandimet e ODIHR për reformën zgjedhore
19 Mars, 17:52
-
Gjiknuri dhe Alibeaj takohen me përfaqësuesit e ODIHR-it, dakordësim për mënyrën e hartimit të drafteve ligjore për ndryshime në Kodin Zgjedhor
4 Mars, 17:30
-
OSBE trajnon qentë…
2 Mars, 18:06
-
Celibashi takon kryetaren e misionit të OSBE-së: Zhvilluan një bisedë të thelluar mbi Reformën Zgjedhore në Shqipëri
16 Shkurt, 15:34
-
Sot Dita Ndërkombëtare Përkujtimore e Holokaustit, ish-ambasadori i OSBE: Si i shpëtuan shqiptarët hebrenjtë nga nazistët
27 Janar, 08:59
-
Një ditë para mbledhjes së komisionit për 'Zgjedhoren', OSBE apel deputetëve: Kontribuoni për një proces parlamentar funksional
18 Janar, 16:50