Shqipëria i del në krah Kosovës dhe për herë të parë nuk mbështeti deklaratën e BE-së për dialogun Kosovë-Serbi, pasi sipas kryeministrit Edi Rama nuk i përgjigjet realitetit të ditëve të fundit të asaj që ka ndodhur në veri të Kosovës. Kryeministri Rama, nga Italia konfirmoi lajmin ekskluziv që Shqiptarja.com raportoi e para nga mediat se Shqipëria për herë të parë nuk e mbështeti deklaratën e BE-së për dialogun Kosovë-Serbi.
Në një konferencë për mediat me zv.kryeministrin italian, Antonio Tajani, kreu i qeverisë tha se në veri të Kosovës ka ndodhur një një zhvillim dramatik pasi është vrarë një efektiv i Policisë së Republikës së Kosovës nga një grup kriminal që ka qenë qartësisht i investuar për të ushtruar terror në atë zonë.
Rama, nënvizoi se shpallja e zisë kombëtare në Beograd është e papranueshme, është e pajustifikueshme madje është e dënueshme. Kreu i qeverisë tha se deri në momentin që do të ndryshohet deklarata, ku të dënohet ajo që ndodhi në veri të Kosovës dhe ajo që pësoi me pas, shpallja e zisë në Beograd, Shqipëria nuk do të linjëzohet.
“Për t’u kthyer tek pyetja lidhur me qëndrimin tonë për të herë të parë, të paktën në 10 vitet e fundit në kundërshtim me një deklaratë të politikës së jashtme të Bashkimit Europian, ky qëndrim lidhet me faktin se deklarata e Bashkimit Europian është një deklaratë, e cila jo se në vetvete ka problem, pasi adreson gjithçka që është thënë më parë nga përfaqësuesi i lartë Joseph Borrell lidhur me detyrimet e Kosovës në raport me dialogun, por ka një problem të madh që nuk i përgjigjet realitetit të ditëve të fundit dhe ne e kemi të pamundur të linjëzohemi me Bashkimin Europian pa parë një deklaratë të dytë që adreson problematikën e ditëve të fundit, ku ka ndodhur një zhvillim dramatik pasi është vrarë një efektiv i Policisë së Republikës së Kosovës nga një grup kriminal që ka qenë qartësisht i investuar për të ushtruar terror në veriun e Kosovës, gjë që është pasuar nga shpallja e një ditë zie kombëtare në Beograd.
Kjo për ne është e papranueshme, është e pajustifikueshme madje është e dënueshme sepse është jo europiane dhe sepse njëkohësisht është sinjali më i keq që Serbia mund të jepte në këtë moment për të gjithë rajonin dhe për Europën dhe kemi kërkuar që Bashkimi Europian, i gjithë komuniteti euroatlantik të vërë alarmin në nivelin më të lartë, alarmin demokratik në nivelin më të lartë e të përdorë gjithë instrumentet në dispozicion për t’i kthyer mesazhin e duhur këtij mesazhi krejtësisht të papranueshëm që vjen nga shpallja e zisë kombëtare në Beograd dhe deri në momentin ku nuk do të ketë një deklaratë të dytë të Bashkimit Europian për të vendosur me drejtësi një gjykim për ditët e fundit, ne nuk do të linjëzohemi me deklaratën e parë.
Në momentin që del deklarata e dytë e nëse deklarata e dytë e bën këtë që ne kërkojmë, atëherë ne nuk kemi asnjë problem të linjëzohemi me deklaratën e parë sepse pavarësisht se çfarë bën Serbia, gjë me të cilën ne kemi punë me Serbinë, ne nuk i heqim asnjë presje të gjitha kërkesave të Bashkimit Europian e të komunitetit euroatlantik për Kosovën dhe në këtë pikë linja jonë është 100% linja e Bashkimit Europian dhe e komunitetit euroatlantik, por ama e përsëris, ky është momenti për të dënuar me zë të lartë atë që ka ndodhur në veriun e Kosovës dhe atë që pastaj ka pasuar në Beograd me shpalljen e një ditë zie kombëtare që heroizon angazhimin e një grupi kriminal për të ushtruar terror në veriun e Kosovës”.- tha Rama.
Shqipëria i doli në krah Kosovës dhe për herë të parë nuk mbështet një deklaratë të zyrtare të Bashkimit Evropian. Report Tv mësoi se Shqipëria ka kundërshtuar deklaratën e Joseph Borrell për dialogun Kosovë-Serbi, të bërë 19 shtator, pasi sipas Tiranës zyrtare ato qëndrime nuk janë të përshtatshme në dritën e situatës aktuale dhe se Kosova nuk mund të cilësohet përgjegjëse e tensioneve.
Deklarata e BE-së për dialogun Kosovë-Serbi që mban datën 19 shtator 2023 dhe që nuk mbështetet nga Shqipëria duke kërkuar një rishikim të saj ku të dënohet sulmi i 24 shtatorit në Zveçan duket se është diskutuar edhe mes kryeministrit Rama dhe zv/kryeministrit Italian
Në konferencën për median Tajani tha se dhuna nga ana e grupeve ekstremiste duhet të zëvendësohet me diplomaci.
“Ne i ftuam të gjithë që ta shohin veten në deklaratën e presidentit Borrell të 19 shtatorit duke ftuar në të njëjtën kohë të gjithë që të punojmë për paqen dhe të ndalojnë çdo lloj aktiviteti ushtarak dhe dhune në atë rajon sepse dhuna sjell dhunë, kurse dialogu sjell dialog.
Ne do të vazhdojmë të bëjmë çdo gjë që është në dorën tonë në mënyrë që dialogu të mund të rifillojë dhe dhuna nga ana e grupeve ekstremiste të zëvendësohet me diplomaci dhe besoj se është e drejtë që puna e Bashkimit Europian të jetë gjithmonë e më shumë efikase.
Italia gjithsesi do të bëjë pjesën e vetë sepse vendosëm që të jemi të pranishëm në Ballkan, jo vetëm për të pasur oportunitete, por dhe për të kërkuar që të zgjidhim, falë aftësive italiane, problemet më të ndërlikuara”
Komente
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
25 vjet Putin, nga miku në armik
25 Dhjetor, 12:41 -
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Marrëveshja për emigrantët/ Italia rinis dërgimin e azilkërkuesve në Shëngjin në janar, Tajani: Projekti jonë u mbështet nga vendet e BE-së
24 Dhjetor, 14:42
-
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59
Qe BE duhet te denoje sulmin,jam plotesisht dakord me ju,por qe te denoje zine e Serbise,kete nuk ja detyron as ti,as BE e askush ne bote.Ke te besh me shtet te pavarur e shtetas te saj.Nuk eshte aq e thjeshte sa duket.
PërgjigjuShpresojme per lajme me te mira
PërgjigjuJu gjithmone flisni te drejten
PërgjigjuFol ti edi per kosoven albinin e kane per fjale te kota
PërgjigjuRespekte per qendrimin qe mbani kryeminister, fjale me vend! Lideri i nje kombi i cili po ecen me hapa te duhur drejt zhvillimit dhe drejtesise
PërgjigjuMos ju ndaj vizes, o strateg.
PërgjigjuFoli lideri global i xhepistave
Përgjigju