Shqipëria pjesë e mekanizmit europian për Mbrojtjen Civile, Ministri i Mbrojtjes: Do kemi mundësi të përfitojmë nga solidariteti i BE

Ministri i Mbrojtjes Niko Peleshi në një komunikim me gazetarët për vendimet e marra të qeverisë tha se ky vit ishte një vit i mirë pasi Shqipëria u bë pjesë e mekanizmit europian për Mbrojtjen Civile.

‘Për marrëveshjen me komisionerin për mbrojtjes për Emergjencat Civile, po gjej momentin për të theksuar rëndësinë e pjesëmarrjes së Shqipërisë në këtë mekanizëm. E kemi përdorur dhe më parë këtë mekanizëm jo në cilësinë e një anëtari, por të një përfituesi. Tani do të kemi mundësi të përfitojmë nga solidariteti, por edhe stafet tona ti mbajmë më pranë. Transferojmë dijen nga vendet më të zhvilluara, trajnime e kualifikime të vazhdueshme.’- tha Peleshi.

Ministri i Mbrojtjes Niko Peleshi është pyetur në lidhje me çmimin e dronëve Bajraktar, të cilët janë blerë së fundmi nga qeveria shqiptare.

‘Ne kemi bërë publike sit ë themi faktin që Shqipëria do të marrë një flotë dronësh, nuk mund të jap më shumë detaje duke ruajtur edhe statusin e një dokumentit të klasifikuar.’- u shpreh Peleshi.

Lajmi kryesor:

Vendimi i qeverisë/ Ministrja e Turizmit: Vitin e ardhshëm mbështesim 6 bashki bregdetare në procesin e pastrimit

M.Q./Shqiptarja.com

TAG:
• Emergjencat Civile
• niko peleshi