Bulqiza që dikur njihej vetëm për galeritë e kromit gjithnjë e më shumë po kthehet në atraksion turistik. Të huaj janë ata që preferojnë këtë vend malor për natyrën magjepse dhe mikpritjen e vendasve. Kulla 200-vjecare e familjes Hupi është ndër më të vizituarat në këtë sezon.
Të përshkosh rrugët malore me motorë është një eksperiencë e jashtëzakonshme për turistët francezë që vizitojnë Bulqizën për herë të dytë, pas impresioneve të vitit të kaluar.
“Jam nga Franca dhe është hera e dytë që vij në Shqipëri. Ky është një vend i mrekullueshëm, mes gjelbërimit dhe këtu tek kulla Hupi ndjehemi si në shtëpi”.
“Oh është një vend shumë shumë i bukur. Kam ardhur me bashkëshorten dhe po e shijoj shumë këtë udhëtim rreth Shqipërisë me motorë.
“E mrekullueshme, malet e Shqipërisë janë ndryshe, madhështorë dhe njerëzit shumë mikpritës e simpatikë”, thonë turistët.
Nga kryeqyteti mund të mbërrish në Bulqizë për një orë, përmes rrugës së Arbrit. Afro tre kilometra të tjera nga kryqëzimi deri në fshatin Dushaj, ku Lulzim Hupi ka ngritur të parin agro-turizëm në kullën e të parëve dhe sot mirëpret turistë nga mbarë bota.
“Ne përpiqemi të mbështesim ekonominë lokale duke punësuar gratë e fshatit dhe duke blerë nga fermerët vendas çdo gjë që prodhojnë, në këtë mënyrë garantojmë që gjithçka është organike, e prodhuar në vend dhe e rritur me dashuri”, - thotë Lulzim Hupi.
Është një Kullë mbi dyqind vjeçare, kthyer në bujtinë që përfaqëson një monument kulturor sa i përket arkitekturës dhe ngjall kujtime të bukura tek vendasit që zgjedhin ta vizitojnë kryesisht në fundjavë.
Mes një oazi të gjelbër, mysafirët dhe turistët e huaj mund të shijojnë gatimet tradicionale, të eksplorojnë pyjet e bukura të Bulqizës si Gurin e Vashës, Shkëmbin e Kullës së Skënderbeut, Ujëvarën e Dushajve dhe Liqenin e Zi.
Lajme të tjera
-
Reshjet e dëborës në disa akse, ARRSH: Drejtuesit e mjeteve të pajisen me goma dimërore dhe zinxhir! Borëpastrueset në terren
24 Dhjetor, 08:39 -
Moti i keq/ Bora bllokon qarkullimin në rrugën e Arbrit (VIDEO)
23 Dhjetor, 15:33 -
Dibër, aksident në aksin Melan-Peshkopi! Automjeti i 62-vjeçarit del nga rruga, lëndohen 3 persona
23 Dhjetor, 10:51 -
New York Times: Shqipëria mes destinacioneve mahnitëse europiane për t’u vizituar në 2025
20 Dhjetor, 15:57 -
Turizmi, vizitorët e huaj me rritje me 79.9% në tetor, kryeson Kosova, më pas Italia dhe Gjermania
19 Dhjetor, 12:56 -
'Braktisen punimet prej 12.5 milionë eurosh për rrugën e Lurës', Elda Hoti: Fondet po vidhen nga investitorët strategjikë
18 Dhjetor, 16:25 -
'Express': Shqipëria, destinacioni i ri mesdhetar që turistët nuk duhet të humbasin në 2025
18 Dhjetor, 13:33 -
Lëkundje tërmeti në Shqipëri, epiqendra në Burrel
17 Dhjetor, 18:05 -
Bulqizë/ Reshje të dendura shiu, bëhet e pakalueshme rruga që lidh dy lagjet e qytetit! Banorët heqin këpucët për të kaluar (VIDEO)
15 Dhjetor, 11:51 -
Lonely Planet: Në Shqipëri ndodhet parku i parë kombëtar në Europë kushtuar një lumi 'të egër'
13 Dhjetor, 15:42 -
Dibër/ Në kërkim ndërkombëtar për trafikim të lëndëve narkotike, arrestohet 60-vjeçari me qëllim ekstradimin në Itali (EMRI)
13 Dhjetor, 14:46 -
E përditshmja britanike 'Metro': Pushime në Shqipëri, destinacioni 'parajsë' i Mesdheut
13 Dhjetor, 08:03
