Tre burime natyrore me prezencë të lartë squfuri që burojnë nga Shpiragu dhe derdhen në brigjet e Osumit japin shpresë për zhvillimin e turizmit shëndetësor në bashkinë e Dimalit. Gjatë verës frekuentohen nga banorët e zonës dhe qyteteve fqinje si Berati e Kuçova.
Dikur ky vend njihet me toponimin "Qelbësirë", na tregon 80-vjeçari Zoi Strora, ndërsa në kohën e diktaturës ka marrë emrin "Gur i Bardhë". Vetitë kurative të ujërave termale janë të njohura që në fillim të shekullit XX-të.
"Fillimisht siç edhe im atë më ka treguar të parët kanë qenë italianët që zbuluan burimet me veti kurative. Ata, këtë ujë e përdornin për të pirë pasi ia dinin vlerën. Unë sot jam 80 vjeç dhe që kur kam qenë i vogël jam rritur me këto ujëra dhe deri ditën e sotme vij pa ndërprerje çdo ditë sidomos gjatë verës. Siç edhe shikoni këtu vijnë shumë njerëz jo vetëm për plazh por për tu kuruar", tha ai.
Kryebashkiakja e Dimalit Juliana Memaj shprehet se po investohet për ta kthyer Gurin e Bardhë në destinacion turistik shëndetësor për pushues vendas e të huaj.
"Faza e parë ishte rehabilitimi i rrugës dhe ndërtimi i një vaske që të ishte sa më e rehatshme për qytetarët që vijën jo vetëm pushojnë por përdorin edhe vlerat kurative të këtij burimi. Ndërsa do të kemi vijimin e këtij projekti duke shfrytëzuar dhe dy burimet e tjera të ujërave termale. Qëllimi ynë është të shfrytëzohet nga turistë vendas dhe të huaj. Do vendosim kanoe në Osum, parqe, kënd lojërash për fëmijë dhe njësi shërbimi private e shtetërore", tha Juliana Mema kryetare e bashkisë Dimal.
Ndërsa mjeku Gerald Krasti tregon për efektet pozitive të ujërave termale për sëmundjet reumatizmale.
"Ujërat termal në Bashkinë Dimal pra qyteza Ura vajgurore kanë ekzistuar prej kohësh dhe nga banorët janë përdorur nga qytetarët vendas. Ata mendojnë se kanë përmirësim për sëmundjet reumatizmale. Janë ujëra të ftohtë nuk janë si banjat e Elbasanit. Përmbajtja e ujërave është e pasur me squfur prandaj mendohet që kanë veti kurative".
E veçanta e këtyre burimeve natyrore është uji i ftohtë me prezencë squfuri që krijojnë baltë të zeze, që gjithashtu mendohet se është kurative.
Lajme të tjera
-
Besimtarët e krishterë në Berat festojnë Krishtlindjet: Dashuri, begati dhe harmoni në çdo familje
25 Dhjetor, 11:37 -
VIDEO/ 'Mangalem's Shade', magjia e dritave në lagjen muzeale të Beratit
25 Dhjetor, 09:03
-
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
New York Times: Shqipëria mes destinacioneve mahnitëse europiane për t’u vizituar në 2025
20 Dhjetor, 15:57 -
Polonia regjistron më shumë migrantë në kufi me Bjellorusinë
19 Dhjetor, 16:49 -
Mandarinat me kimikate/ AKU gjobit 4 mln lekë grumbulluesin në Goriçan të Beratit! Groposet ngarkesa e kthyer mbrapsht! Po bëhen analiza në një fermë
19 Dhjetor, 16:26
-
Turizmi, vizitorët e huaj me rritje me 79.9% në tetor, kryeson Kosova, më pas Italia dhe Gjermania
19 Dhjetor, 12:56 -
Mero Baze: SPAK dhe si një radiografi e demokracisë në PD
18 Dhjetor, 22:31
-
Kroacia kthen mbrapsht 3 ngarkesa me mandarina, me nivele të larta pesticidesh! Ministria e Bujqësisë: U Nisën nga Berati e Fieri, gjobit grumbulluesin
18 Dhjetor, 21:12 -
Berat/ Arrestohet një person, akuzohet për ngacmim seksual ndaj një të mituri! Kamerat e filmuan kur e përndiqte! Ishte recidivist
18 Dhjetor, 17:24 -
'Express': Shqipëria, destinacioni i ri mesdhetar që turistët nuk duhet të humbasin në 2025
18 Dhjetor, 13:33 -
Dyshohet se ngacmoi seksualisht një të mitur, arrestohet 60 vjeçari në Berat
18 Dhjetor, 13:33
