POP 5

Lajmet më të lexuara të 5 minutave të fundit

Sport

Shqipëria U-19 i nis me humbje kualifikueset e Europianit, Roko Vata në fushë për Irlandën

Shqipëria mirëpret ndeshjet e para kualifikuese të Europianit të 19-vjeçarëve për vitin 2024. Në "Elbasan Arena", Irlanda U-19 fitoi 3-1 kundër Shqipërisë U-19 në një ndeshje që prodhoi raste dhe gola.

Shqipëria U-19 i nis me humbje kualifikueset e Europianit, Roko Vata në fushë për Irlandën

Kombëtarja U-19 kundër Irlandës

Shqipëria mirëpret ndeshjet e para kualifikuese të Europianit të 19-vjeçarëve për vitin 2024. Në "Elbasan Arena", Irlanda U-19 fitoi 3-1 kundër Shqipërisë U-19 në një ndeshje që prodhoi raste dhe gola, ndërsa skuadrat bënë debutimin për këto kualifikuese. Për kundërshtarët e kuqezinjve në fushë për 89 minuta luajti edhe Roko Vata, djali i Rudi Vatës që është pjesë e moshave të Irlandës.

Në fushën e lojës ndeshja nuk nisi mirë për djemtë e Ervin Bulkut, me O'Mahony që kaloi në epërsi Irlandën pas vetëm pesë minutave lojë. Duhej Erald Krasniqi që në minutën e 23-të të vendoste ekuilibrat për 1-1, me fraksionin e parë që u mbyll me rezultat të njëjtë.

Në pjesën e dytë sërish O'Mahony riktheu epërsinë e Irlandës në minutën e 56-të, para se Umeh tre minuta më vonë të "vuloste" sfidën me golin e tretë. Roko Vata, shqiptari që bën pjesë te Irlanda luajti për 89 minuta, duke u përballur kundër skuadrës së origjinës.

Kështu, Kombëtarja kuqezi e nis këtë fushatë kualifikuese me humbje, duke qenë në vendin e fundit me zero pikë në grupin 13-të. Irlanda merr kryesimin me tri pikë, duke lënë pas Belgjikën dhe Slloveninë me një pikë.

Trajneri Ervin Bulku e nisi me këtë formacion: Klevi Toshi, Klevis Haxhari, Ermal Meta, Elton Fikaj, Ardit Nuredini, Arlind Kurti, Jordi Jaku, Oresti Kasmollari, Dean Vranici, Flavio Sulejmani dhe Erald Krasniqi.

Grupi 13-të kualifikues:

Datë 15.11.2023

Slloveni– Belgjikë 1-1

Irlandë – Shqipëri 3-1

Datë 18.11.2023

Irlandë – Slloveni “Arena Egnatia” ora 11:00

Belgjikë – Shqipëri “Elbasan Arena” ora 14:00

Datë 21.11.2023

Belgjikë – Irlandë “Arena Egnatia” ora 14:00

Shqipëri – Slloveni “Elbasan Arena” ora 14:00

Renditja:

  1. Irlandë 3 pikë
  2. Belgjikë 1 pikë
  3. Slloveni 1 pikë
  4. Shqipëri 0 pikë

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si i vlerësoni protestat e dhunshme të Rithemelimit tek Bashkia?

Lajme të tjera



×

Lajmi i fundit

U aludua se tatuazhi i Sarës i dedikohej Ledrit, ja si qëndron e vërteta

U aludua se tatuazhi i Sarës i dedikohej Ledrit, ja si qëndron e vërteta

28 Prill, 15:01