Kuqezinjtë me 7 shtator, në Pragë do luajnë kundër Ukrainës, që për shkak të luftës nuk i zhvillon ndeshjet në shtëpi. Historia në këtë përballjë favorizon rivalët e kuqezinjve, të cilëyt gjithashtu morën pjesë në Evropianin e Gjermanisë. Në 6 përballje direkte, 4 prej tyre për kualifikueset e botërorit dhe 2 miqësore, Ukraina ka arritur të fitojë 5, ndërsa Shqipëria ka marrë vetëm 1 barazim 2-2 në vitin 2005.

Prej asaj periudha situata ka ndryshuar shumë dhe kjo do jetë hera e parë që dy kombëtaret përballen në Ligën e Kombeve, teksa ky që nis është sezoni i 4 i këtij kompeticioni. Këtë herë vlen edhe për kualifikueset e Botërorit, pasi 4 fituesit e secilës Ligë në Ligën e Kombeve do ti bashkohen 12 vendeve të dyta në kualikueset e përgjithshme për të bërë ‘play-off’. 16 ekipe në total do luftojnë për 4 vende, pasi siç dihet në Botërorin e 2026 nuk do jenë më 32 kombëtare pjesmarrëse, por 48. Nga kjo ka përfituar edhe Evropa që më herët dërgonte 13 përfaqësuese në Botëror, ndërsa tani do shkojnë 16.