POP 5

Lajmet më të lexuara të 5 minutave të fundit

Kosova & Rajoni

Shqiptarët dhe serbët në Kosovë përkrahin një marrëveshje finale me Serbinë

Hulumtimi është publikuar të martën dhe ka për bazë 1,107 të anketuar; prej tyre 90 për qind shqiptarë, 8 për qind serbë dhe 2 për qind të komuniteteve të tjera

Shqiptarët dhe serbët në Kosovë përkrahin një marrëveshje finale me Serbinë

Shumica e qytetarëve të Kosovës e përkrahin arritjen e një marrëveshjeje finale midis Kosovës dhe Serbisë, tregon një hulumtim i bërë nga Instituti Kërkimor për Çështje Evropiane dhe të Zhvillimit (RIDEA).

Hulumtimi është publikuar të martën dhe ka për bazë 1,107 të anketuar; prej tyre 90 për qind shqiptarë, 8 për qind serbë dhe 2 për qind të komuniteteve të tjera.

Sipas hulumtimit, 92 për qind e shqiptarëve dhe 64 për qind e serbëve thonë se duhet të bëhet çdo përpjekje për arritjen e marrëveshjes finale, ndërsa 66 për qind e shqiptarëve dhe 49 për qind e serbëve e mbështesin rifillimin e dialogut për normalizimin e marrëdhënieve

Ky dialog ka nisur qysh në vitin 2011. Por, procesi është ndërprerë në fund të vitit 2018, për shkak të një takse që u ka vënë Qeveria e atëhershme e Kosovës prodhimeve të importuara nga Serbia.

Anketa e RIDEA-s është realizuar në 38 komuna të shtatë rajoneve kryesore në Kosovë: Prishtinë, Ferizaj, Gjilan, Prizren, Pejë, Gjakovë dhe Mitrovicë - Veri dhe Jug.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Një letër për studentin e gazetarisë në kohën e marrëzisë

Një letër për studentin e gazetarisë në kohën e marrëzisë

4 Maj, 00:25 nga Lutfi Dervishi