POP 5

Lajmet më të lexuara të 5 minutave të fundit

Arkiva

Shqiptarët e Preshevës takim me
OSBE, të premten protesta

Sot komisioneri i lartë për pakica kombëtare pranë OSBE-së, Knut Volebek do të takojë në Bujanoc përfaqësuesit e të gjitha partive shqiptare të Luginës së Preshevës, ku do të bisedohet zgjidhja e problemit të lapidarit të UÇPMB-së.
Shqiptarët e Preshevës takim me <br />OSBE, të premten protesta
PRESHEVE - Ditën e sotme komisioneri i lartë për pakica kombëtare pranë OSBE-së, Knut Volebek do të takojë në Bujanoc përfaqësuesit e të gjitha partive shqiptare të Luginës së Preshevës, ku do të bisedohet zgjidhja e problemit të lapidarit të UÇPMB-së.

Kryetari i Komunës së Preshevës, Ragmi Mustafa tha se nuk e di nëse në takim do të marrin pjesë edhe përfaqësues të Qeverisë së Serbisë.

Për shkak të kësaj vizite, përfaqësuesit e subjekteve politike në Bujanoc kanë njoftuar ndryshimin e ditës së mbajtjes së protestës që ishte paralajmëruar se do të mbahej sot në Bujanoc.

Arsyeja e protestës që do të zhvillohet të premten në Bujanoc nga komuniteti shqiptar është për vendosjen e një lapidari serb në fshatin Lluçan, i banuar tërërisht nga shqiptarë. Ata kërkojnë heqjen e lapidarit serb në këtë fshat, si dhe vendosjen e përmendores së Preshevës aty ka ka qenë deri para 10 ditësh.

Përmendorja e serbëve u vendos në fund të dhjetorit, në praninë e shtuar të xhandarmërisë serbe. Shqiptarët e zonës shprehen se këta policë kriminelë serbë janë vrarë nga Ushtria Çlirimtare, sepse kishin ardhur që të të bëjnë krime në popullatën e pafajshme shqiptare, të pushtonin e të grabisnin shqiptarët. Lapidari i viktimave serbe është cilësuar nga shqiptarët e Bujanocit si një provokim i radhës për shqiptarët që janë duke jetuar atje, sepse me këtë ata dëshirojnë të bëjnë presion e të frikësojnë popullin shqiptar që të shpërngulet sa më parë nga trojet e veta.

"Kërkojmë, që ky lapidar me kryqin orthodoks, me fotot e policëve vrasës e me hartën e Serbisë së Madhe të vendoset diku në Pashallakun e Beogradit, sepse kjo tokë, dhe gjaku i derdhur i bijve e bijave më të mira të popullit shqiptar, nuk do të mund ta durojë gjatë", kanë paralajmëruar shqiptarët e Preshevës, Medvegjës dhe Bujanovcit.

Mëngjesin e 20 janarit, xhandarmëria serbe largoi nga Presheva lapidarin e UÇPMB-së, çfarë ka nxitur reagimin e autoriteteve shqiptare atje, por edhe të atyre të Prishtinës, Tiranës dhe ndërkombëtarëve.

Redaksia online
(eç/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Wall Street Journal: Pse Shqipëria duhet të jetë destinacioni i radhës për udhëtarët e zgjuar

Wall Street Journal: Pse Shqipëria duhet të jetë destinacioni i radhës për udhëtarët e zgjuar

24 Nëntor, 20:33