Shqiptari dhe Ekuadoriania
mbajnë vajzën si skllave

Për muaj të tërë një 12 vjecare, memece, është detyruar të bëjë skllaven për të atin e saj shqiptar dhe të ëmën, një ekuadoriane. Ngjarja ka ndodhur në qytetin Rapallo – provincë e Xhenova në Itali.

Një 37 vjeçar shqiptar dhe bashkëshortja e tij 33 vjeçare nga Ekuadori janë arrestuar nën akuzën e keqtrajtimit të fëmijës, sekuestrim personi dhe heqje e paligjshme e lirisë, si dhe mbajtje njeriu nën skllavëri.

Vajza e vogël kujdesej për vëllezërit më të vegjël dhe i shërbente rregullisht dy prindërve të saj. Ajo ushqehej vetëm me mbetjet nga ushqimi që hanin prindërit e saj.

Shumë shpesh prindërit e ndëshkonin duke e lënë për orë të tëra në tarracë, gjysmë e zhveshur ose thuajse lakuriq në të ftohtin e natës.