Ish-kampioni i botës në Boks, Anthony Joshua do të përballet në 25 korrik në Riad me boksierin shqiptar të peshave të rënda, Kristian Prenga.

Joshua tha: “Nuk është sekret që kam marrë pak kohë për të qenë gati për t’u rikthyer në ring dhe sot është hapi tjetër në atë udhëtim”.

“Jam i kënaqur që kam rënë dakord për një marrëveshje për shumë ndeshje duke filluar nga 25 korriku në mbretërinë e Arabisë Saudite. Pres me padurim të garoj dhe të vazhdoj aty ku e lashë. Siç thashë, qiradhënësi do të mbledhë qiranë e tij. Kjo është e sigurt", vijoi më tej Joshua.

Nga ana tjetër, Kristian Prenga është i bindur se mund të arrijë një fitore tronditëse në Arabinë Saudite.

Prenga tha: “Anthony Joshua është një luftëtar i shkëlqyer, por bëri një gabim të tmerrshëm në llogaritjen e tij duke më zgjedhur mua si kundërshtar.”

“Ky është lloji i luftës që ndryshon gjithçka në jetën time dhe të tijën”, shtoi Prenga.

Pas ndeshjes me Kristian Prengë, Anthony Joshua do të përballet në ring me ish-kampionin e botës në peshat e rënda, Tyson Fury, një ndeshje e pritur prej kohësh.

Eddie Hearn, promotori i Joshuas, postoi në rrjetet sociale: “Nënshkruar, vulosur dhe dorëzuar! AJ vs Fury do të zhvillohet!”.