Boksieri britanik Anthony Joshua triumfoi bindshëm ndaj amerikanit Jake Paul, duke mposhtur me 'Knock Out' (K.O.) në raundin e gjashtë në duelin e zhvilluar në Miami. Sfida ishte parashikuar të zgjaste 8 raunde, por u mbyll më herët për shkak të dominimit total të ish-kampionit të botës në peshën e rëndë.

Që nga fillimi, Joshua tregoi epërsinë e tij në ring, falë përvojës, fuqisë dhe avantazhit fizik ndaj YouTuber-it amerikan. Rivaliteti mes dy boksierëve ishte i vogël, ndërsa Paul u rrëzua disa herë në tapet, deri në momentin kur nuk arriti më të ngrihej pas numërimit të gjyqtarit në raundin e gjashtë.

Pavarësisht humbjes, fakti që Jake Paul rezistoi deri në raundin e gjashtë u konsiderua nga disa si një arritje, pasi pritshmëritë ishin që dueli të përfundonte brenda 3-4 raundeve. Megjithatë, si një ndeshje me karakter “show-i”, gjashtë raundet rezultuan të mjaftueshme për të argëtuar publikun.

Pas ndeshjes, Joshua u shpreh i kënaqur me paraqitjen e tij.

“Mora kohën e duhur dhe bëra detyrën time. Nuk u preka fare, por dua ta përgëzoj Jake për kurajën dhe grintën. Nuk më intereson trashëgimia, bëj atë që dua të bëj. Doja ta dëmtoja dhe të fitoja, ia dola.”

Nga ana tjetër, Jake Paul pranoi humbjen, por u shfaq optimist për të ardhmen.

“Ishte argëtuese dhe ndihem mirë. E dua këtë sport. Anthony është një luftëtar i madh. Unë humba, por ky është boksi. Ky sport më ka ndihmuar shumë dhe do të rikthehem për të fituar një titull kampion bote.”

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ndeshje e madhe: 20/12/2025 11:00

    Gjigand si sportist

    Përgjigju
  • Sondazhi i ditës: 15 Shkurt, 14:59

    Rama firmos ndryshimin ligjor që ndalon GJKKO të pezullojë ministrat, jeni dakord?

Lajme të tjera