Një shqiptar nga Kosova ekzekutoi gruan në Heilbronn të Gjermanisë duke e goditur disa herë me thikë. Ngjarja ka ndodhur ditën e premte në mbrëmje.

Sipas medieve gjermane, burri 44-vjeç goditi me thikë gruan e tij 33-vjeçare disa herë pas një sherri që paraprakisht dyshohet se erdhi për shkak të xhelozisë. Gruaja vdiq menjëherë nga plagët. 44-vjeçari pas krimit shkoi në stacionin e policisë në Heilbronn, tregoi ngjarjen dhe u arrestua pa rezistencë.

Kur policia kontrolloi menjëherë adresën e shtëpisë së familjes, gruaja u gjet vetëm e vdekur. Çifti nga Kosova ka shtatë fëmijë, të cilët nuk ishin prezentë në momentin tragjik. Fëmijët kaluan në kujdesin e shtetit gjerman pas ngjarjes makabre, ndërsa tashmë do të rriten pa nënën dhe me babanë në burg, që akuzohet për vrasje.