Shqiptarja me ID të rreme 72.000 sterlina operacion jetik në veshka, gjyqtari britanik e dënon me zemër të thyer

Një grua shqiptare që kishte hyrë ilegalisht në Britani është dënuar pasi kishte përdorur një identitet të rremë për të kryer një transplant jetik në veshka që kushtoi 72.469 sterlina.

Fatmira Tafa, 31 vjeçe, shkoi në Britani më 2014-n pasi kishte udhëtuar në rimorkion e një kamioni përmes disa shtetesh për të qenë pranë një burri që kishte njohur në internet.

Personi në fjalë, i njohur si Ndriçim Bengasi, i dha Tafës një ID greke me emrin Eleni manola, identiteti i së cilës i dha asaj benefitet e një qytetareje të BE-së që jeton në Britani.

Teksa jetonte në Cardiff  Tafa u sëmur rëndë nga veshkat dhe pasi u shtrua me urgjencë në spital, u përcaktua se ajo kishte nevojë për një operacion që t’i shpëtonte jeta.

Tafa, përmes përdorimit të një identiteti të rremë, siguroi një transplanto veshkash në University Hospital of Wales (UHW), në Cardiff, në tetor 2016 – një trajtim të cilin ajo nuk kishte të drejtën ligjore ta merrte si një shtetase shqiptare pa leje qëndrimi në Britani.

Gjatë gjyqit për të te Cardiff Crown Court u tha se Tafa ishte një grua "naive dhe e re" e cila ishte “mashtruar” për të shkuar në Britani për dashuri, por që në të vërtetë ishte një grua “e dobët” e cila ishte shfrytëzuar nga Bengasi, i cili ishte gjithashtu një emigrant i paligjshëm.

Prokurori Steven Donoghue tha: "Duket se nga ajo që Znj. Tafa i tha autoriteteve se arsyeja se përse ajo udhëtoi për në Britani ishte sepse ajo u njoh me Z. Bengasi në internet dhe krijuan njëfarë lidhjeje në distancë kështu që ajo vendosi të largohej nga Shqipëria për t’u takuar me të dhe për të qëndruar në Britani. Pasi shkoi në Britani ajo nisti të përdorte një ID të rreme në emër të një kompase greke të quajtur Eleni Manola dhe ajo e përdori kartën për të përfituar nga shërbimet mjekësore në Clifton Surgery."

Donoghue tha se mashtrimi i Tafës me identitetin u zbulua gjatë një konsulte që ajo pati në spital në mars 2017 pas operacionit, kur ajo iu rrëfye një infermiereje që po e mjekonte.

Ai shtoi: "Kur ajo në spital papritmas nisi të qante dhe tha me fal pasi infermierja e pyeti, u duk qartë se po përdorte një ID fallso.

"Një tjetër doktor erdhi dhe foli me të dhe ajo i bëri të ditur se i dashuri i saj e kishte detyruar q ëtë bënte një gjë të tillë dhe se ai ndërkohë ishte dëbuar. Ajo tha se kur kishte erdhi mendoi se kishte ardhur për arsye dashurie dhe ajo besonte se i dashuri i saj do të kishte dokumenta të ligjshme për të.

Tafa u morr në pyetje nga Ministria e Brendshme dhe ajo pranoi veprën penale të përdorimit të një Id të rremë dhe përmes ambasadës greke u verifikua se Eleni Monola është një person i vërtetë.

Donoghue tha se kostoja totale e transplantim të Tafës ishte 72,469 sterlina. Ai tha se si një shtetase shqiptare tafa nuk kishte të drejtë ligjore për transplantin në veshka, dhe nëse do të dihej identiteti i sja i vërtetë, ajo do të kishte kryer dializën dhe do të dërgohej në Shqipëri për t’u kuruar.

Në vijim Tafa bëri një aplikim formal duke kërkuar azil në Britani, kërkesë e cila vijon të mbetet pezull.

Gjyqtari Jeremy Jenkins i tha Tafës, se edhe pse gjykata kishte mjaft keqardhje për gjendjen e saj të vështirë, ai nuk kishte opsion tjetër përveç dhënies së masës së arrestit për të.

Ai tha: "E jap këtë vendim me zemrën të rënduar dhe ky vendim nuk më jep ansjë kënaqësi, por është vendimi i duhur për shkeljen tënde”.

Tafa, u dënua me 14 muaj pasi pranoi falsifikimin dhe zotërimin e një karte identiteti për qëllime të papërshtatshme.

TAG:
• transplanti i veshkave