Joe Biden
Presidenti i Shteteve të Bashkuara, Joe Biden, zhvilloi një bisedë telefonike me kryeministrin e Izraelit, Benjamin Netanyahu për “situatën në Izrael dhe në Gazë”, njoftoi Shtëpia e Bardhë të premten.
Detajet e bisedës mes dy liderëve nuk janë publikuar, por Shtëpia e Bardhë ka thënë se do të jap më shumë detaje më vonë, raporton Reuters.
![](https://shqiptarja.com/template/img/NO_ALFA_Kuadrate shqiptarja.png)
Bisedimet u raportua se u zhvilluan pasi zyrtarët e Komitetit Ndërkombëtar të Gjysmëhënës së Kuqe raportuan “sulme intensive nga dronët izraelitë në spitalin Al-Amal” në Khan Yunis, një qytet në pjesën jugore të Rripit të Gazës.
Izraeli këtë javë nisi sulme të reja në qytetin për të cilin thotë se është një bazë për luftëtarët e Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian.
Izraeli nisi ofensivën pas sulmit të paprecedent të Hamasit në jug të Izraelit më 7 tetor, kur luftëtarët e grupit vranë 1.200 persona dhe morën peng afër 250 të tjerë. Afër 130 pengje Izraeli beson se ende janë nën robërimin e Hamasit. Lufta ka rritur tensionet në mbarë rajonin, duke kërcënuar nxitjen e konflikteve të tjera.
Lajmi kryesor:
Lufta/ Sulm izraelit në Damask, vriten udhëheqësit e Xhihadit Islamik! Reagon presidenti iranian: Nuk do të lëmë pa përgjigje krimet e regjimit sionist! Familjarët e pengjeve protestë para shtëpisë së Netanyahut
![](https://www.shqiptarja.com/template/img/sh_logo1.png)