POP 5

Lajmet më të lexuara të 5 minutave të fundit

Bota

Shtëpia e Bardhë: Uashingtoni kërkon çarmatosjen bërthamore të Koresë së Veriut

Shtëpia e Bardhë deklaroi të hënën se qëllimi përfundimtar i çdo negociate që Presidenti Trump do të zhvillojë me Korenë e Veriut do të jetë çarmatosja bërthamore.
Shtëpia e Bardhë: Uashingtoni kërkon çarmatosjen bërthamore të Koresë së Veriut

Shtëpia e Bardhë deklaroi të hënën se qëllimi përfundimtar i çdo negociate që Presidenti Trump do të zhvillojë me Korenë e Veriut do të jetë çarmatosja bërthamore.

“Ata kanë filluar tashmë të bëjnë disa hapa që ne mendojmë se përbëjnë përparim”, tha sekretarja e shtypit e Shtëpisë së Bardhë Sarah Huckabee Sanders. “Por ne sigurisht që e dimë se kemi një rrugë të gjatë përpara”.

Huckabee Sanders u tha gazetarëve se “Uashingtoni do të vazhdojë fushatën e presionit maksimal. Ne duam të shohim të ndërrmerren hapa të vërtetë e konkretë në drejtim të çarmatimit bërthamor”, tha ajo.

Njoftimi i fundit i udhëheqësit të Koresë së Veriut Kim Jong Un, për pezullimin e provave me armë bërthamore dhe të lëshimit të raketave balistike ndër-kontinentale është “sigurisht një hap në drejtimin e duhur”, tha Sanders, “por do të kemi nevojë për diçka pak më shumë se kaq, në mënyrë që të nisim lehtësimin e sanksioneve”.

E pyetur se si e përkufizon presidenti Trump çarmatosjen bërthamore, Huckabee Sanders u përgjigj se “kjo do të thotë se Koreja e Veriut nuk ka ose nuk bën prova me raketa bërthamore”.

Të dielën Trump tha se Shtetet e Bashkuara nuk kanë hequr dorë nga asgjë përpara takimit të tij të planifikuar me udhëheqësin e Phenianit, ndërsa Koreja e Veriut ka kufizuar tashmë prodhimin e armëve bërthamore.

Përpara takimit të planifikuar me Trump, për të cilin nuk është përcaktuar ndonjë vend apo datë, Kim Jong Un-i do të takohet të premten me Presidentin e Koresë së Jugut Moon Jae-in, në një fshat në kufi.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    14 Dhjetor, 13:13

    Berisha boton foton e gruas së Dumanit duke i rrezikuar jetën! Si e gjykoni?

Lajme të tjera



×

Lajmi i fundit

Premier League/ Armando Broja protagonist në Londër, Everton barazon me Arsenalin! Liverpool ngec 2-2 në 'Anfield', fiton Newcastle

Premier League/ Armando Broja protagonist në Londër, Everton barazon me Arsenalin! Liverpool ngec 2-2 në 'Anfield', fiton Newcastle

14 Dhjetor, 18:13