POP 5

Lajmet më të lexuara të 5 minutave të fundit

Ekonomi

Shteti mbledh 10 milion euro nga taksa e karburantit! Në 8 muaj u furnizuan 450 jahte, 13 kroçera në portin e Durrësit

Në arkën e shtetit janë shtuar 10 milionë euro të ardhura nga taksa mbi shitjen e karburantit. Porti i Durrësit bën të ditur se krahasuar me të njëjtën periudhë të vitit të kaluar, fitimi është 1 milion euro më i lartë, për shkak të rritjes së numrit të jahteve e korçerave që vizitojnë Durrësin.

450 jahte dhe 13 kroçera e kanë vizituar portin e Durrësit nga janari deri në gusht, duke sjellë të ardhura të konsiderueshme për arkën e shtetit. Vetëm nga taksa e karburantit në 8 muaj të këtij viti janë realizuar të ardhura në vlerën 10 milionë eurove ose 17 për qind më shumë se vitin e kaluar.

“Në janar-gusht 2023, u furnizuan 22,750 m³ karburant, që korrespondon me 18,995 ton, dhe të ardhurat nga Taksa Kombëtare arritën në 910 milionë lekë.  Në të njëjtën periudhë të vitit 2024, u furnizuan 26,625 m³, që përkthehet në 22,230 ton, ndërsa të ardhurat arritën në 1,065 milionë lekë. Kjo rritje prej rreth 17% në sasinë e karburantit dhe 17% në të ardhurat nga TK tregon vazhdimësinë e një sezoni të suksesshëm turistik dhe zgjerimin e aktivitetit të mjeteve lundruese, sakaq 2025 pritet të ketë një rritje prej 20% referuar rezervimeve aktuale”, tha kapiteni i porti, Tauland Allka.

Prej vitit 2022, jahtet që furnizohen me karburant në zonën e lirë doganore taksohen 40 lekë për litër karburant. Nga analiza e shifrave vihet re rritje e të ardhurave, ku në 2022 ishin 6 milion euro, në 2023 ishin 9 milion euro dhe në 8 muaj të këtij viti 10 milionë euro.

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eri: 19/09/2024 18:45

    Jepjuani shtresës mëtë varfër të Shqipërisë pensionistëve.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03