Kontrollet në Rinas, në një muaj 62 të proceduar penalisht, 207 personave iu ndalohet levizja në Shengen (VIDEO)

Janë godititur të paktën 66 raste të paligjshmërisë dhe 52 shtetas janë proceduar penalisht vetëm gjatë muajit nëntor në kuadër te parandalimit dhe angazhimit të policisë për përbalilllimin e fluksit të udhëtarëve në pikën kufitare të Rinasit.

Teksa bën bilancin e muajit nëntor Drejtoria Vendore për Kufirin dhe Migracionin në Tiranë ka njoftuar se është hartuar një plan masash të detajuar për muajin Dhejtor 2018 me qëllim përballimin e fluksit në hyrje- dalje në aeroportin e Rinasit, për parandalimin dhe goditjen e paligjshmërisë duke bashkëpunuar ngushtë me autoritetet e tjera ligjzbatuese.

Në njoftimin e saj policia bën të ditur se përgjatë muajit nëntor nga policia kufitare janë kapur dhe 9 persona në kërkim për vepra të ndryshme penale për llogari të DVP-ve.

Gjithashtu mësohet se janë arrestuar dhe proceduar 10 persona për përdorim të dokumentave të falsifikuara.

Në drejtim të parandalimit të azilkërkimit, u është refuzuar dalja 207 shtetasve të cilët nuk plotësonin kriteret për të lëvizur në hapësirën Shengen.

Po gjatë muajit Nëntor nga Policia Kufitare janë bëhet e ditur se është proceduar penalisht 1 shtetas për mosdeklarim të hollash në kufi.

Sipas një bilanci të bërë për muajin e kaluar kanë hyrë dhe dalë nëpërmjet aeroportit të Rinasit 203694 shtetas shqiptarë dhe të huaj.

Ndërkohë Policia Kufitare e Rinasit, njofton që "për muajin Dhjetor 2018, duke pasur parasysh edhe përvojën e viteve të kaluara, por edhe tendencën në rritje të fluksit në hyrje dhe në dalje të qytetarëve dhe turistëve, do shtojë burimet njërëzore me qëllim ofrimin e një shërbimi sa më cilësor, si dhe do bashkëpunojë ngushtë me të gjitha agjencitë e tjera ligjzbatuese për të parandaluar dhe goditur paligjshmërinë".

 

TAG:
• Policia kufitare e rinasit
• bilanci i shkeljeve per muajin nentor