POP 5

Lajmet më të lexuara të 5 minutave të fundit

Kronikë

Shtohen rastet e infektimeve me COVID në Elbasan, qytetarët: Të mbyllen lokalet se po marrin në qafë këtë popull, nuk zbatohen masat

Elbasani për çdo ditë po ngjitet në renditjen e qyteteve me risk te lartë për numrin e të infektuarve. Sipas mjekëve shumë qytetarë nuk janë ndërgjegjësuar duke mos respektuar masat për frenimin e përhapjes së pandemisë, ku vatra mbeten grumbullimet në lokale, bare e restorante.

Te infektuarit me COVID 19 shtohen çdo ditë në qytetin e Elbasanit. Pavarësisht këtij fakti jeta në Elbasan vijon njëlloj. Qytetarët në shumicën e rasteve nuk mbajnë maskë, ndërsa lokalet dhe baret janë plot.

Neglizhenca dhe mungesa e ndërgjegjësimit nga qytetarët në respektimin e masave është një faktor kryesor që ka ndikuar në rritjen e rasteve ditore të personave të prekur me Sars-Cov 2, por ajo që ka ndikuar pozitivisht sipas mjekes epidemiologe Evisa Mici është rritja e numrit të testeve të kontrollit që arrijnë në 200 në ditë.

‘Numri i rasteve pozitiv është rritur ndjeshëm muajt e fundit, por kjo ka ardhur nga mosrespektimi i masave anti-COVID, të distancimit social nga ana e qytetarëve. Numri i testeve të shpejta tashmë  është rritur dhe kjo ka sjellë një ndihmesë shumë të madhe në kapjen e rasteve pozitive. Ka arritur në 200 teste në ditë, por duke i ndarë teste të shpejta dhe teste PCR” .’- tha mjekja epidemiologe Evisa Mici.

Të pyetur për mikrofonin e Report Tv qytetaret  shprehin se lokalet janë vatra kryesore e përhapjes së infeksionit duke kërkuar  mbylljen e tyre.

“Duhet të mbyllen klubet sa më parë, se po e marrin në qafë këtë popull”, shprehet një qytetar.

“Më bëjnë përshtypje lokalet plot, për shumë arsye se dendësia krijon amulli, shkëmbime të ajrit që del prej secilit prej nesh”, thotë një qytetar tjetër nga Elbasani.

Pak ditë më parë u hap pavioni Covid në spitalin rajonal të Elbasanit dhe nga raportimet e Ministrisë së Shëndetësisë numri i personave aktive të infektuar me Covid 19 aktualisht është  887 persona. 

M.Q./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kasem gahinji: 27/02/2021 20:00

    Hip se te vrava,zotit se te vrava.Lokalet duhen mbyllur.Ose te zbatoje regullat anticovid te percaktuara,dmth jo me teper se 2 persona ne tavoline,detyrimisht me maska,lokali me mjete dizinfektuese,tavolinat 3 m larg njera tjetres.por ajo qe eshte e rendesishme eshte qe nuk te detyron njeri te futesh ne lokal.As qeveria.Ta do prapanice futesh the infektohesh.je i mencur rri ne shtepi duke evituar tallet per "pordhet"e monalikes.

    Përgjigju
  • Ani: 27/02/2021 19:08

    Po kush don tia dije per ne qe te marre masa e te na mbylle

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46