Banorët e njësisë 1 dhe 2 në Tiranë, nga sot mund të aplikojnë pa radhë për kartat e identitetit dhe pasaportat biometrike, në mjedise të reja e moderne. Bashkia e Tiranës, në bashkëpunim me Ministrinë e Brendshme dhe kompaninë ALEAT, kanë mundësuar hapjen e zyrave të reja pranë shkollës “1 Maji”, të dedikuara plotësisht për aplikimin për mjetet biometrike të identifikimit.
Kreu i Bashkisë së Tiranës, Erion Veliaj dhe zëvendësministrja e Brendshme, Rovena Voda panë nga afër ambientet e reja, ku 10 sportele ofrojnë një shërbim të shpejtë dhe profesional. Ai theksoi se Tirana është shembull në përgjigjen për çdo nevojë që kanë qytetarët në një kohë të shkurtër.
“Tirana është gjithmonë e para sa herë që ka një nismë kombëtare e cila duhet drejtuar me shembull. Kemi hapur zyra të reja dhe në njëfarë mënyre jemi bërë të gjithë pjesëmarrës të një sipërmarrje që quhet “Aleat”, ku të gjithë jemi aleatë: si pushteti vendor, ai qendror, deputetët e zonës, njësitë administrative, gjendja civile dhe besoj që me hapjen e zyrave të reja për Njësitë 1 dhe 2 te shkolla “1 Maji”, në hyrje të Rr. “Ali Demi”, kemi mundësi fantastike, që punën e sotme të mos e lëmë për nesër, pra ta marrim sot kartën e identitetit!”, tha Veliaj.
Ndonëse bëri të ditur se nuk ka vend për panik, ai u bëri apel qytetarëve të Tiranës që të nxitojnë dhe të bëjnë sa më parë aplikimet. “E kuptoj që në fillim patëm një ngut shumë të madh sepse na skadoi karta; pastaj patëm ekstremin tjetër, një relaksim shumë të madh, duke qenë se qytetarët mund ta përdorin kartën deri në fund të 2019-ës. Kjo nuk do të thotë që punën e sotme ta lëmë për nesër. Kjo është një punë e sotme dhe tani që, sidomos Njësitë 1, 2, 3 dhe 4 i kanë kapacitetet e nevojshme, duhet që kartën ta marrim sot”, u shpreh kryetari i Bashkisë së Tiranës.
Veliaj theksoi se sot aplikimi për karta identiteti, për ata që u ka skaduar, bëhet edhe më i nevojshëm, duke pasur parasysh që në verë mund të ketë një fluks edhe më të madh në zyrat e ALEAT për shkak të ardhjes së emigrantëve, një pjesë të të cilëve, po ashtu, u skadojnë pasaportat.
“T’u japim prioritet sidomos atyre që janë të moshuar, por duke pasur parasysh që në verë, përveç zgjedhjeve, do kthehen emigrantët, do ketë më shumë nevojë për pasaporta. Vërtet mund ta shtyjmë afatin e kartës deri në 2019, por jashtë Shqipërisë gjërat duhet të jenë të vlefshme, ndaj për të gjitha këto arsye, tani që është relaksuar situata në pjesën më të madhe të Tiranës, dua të ftoj qytetarët që ta përdorin këtë mundësi. Ka shumë pak radhë, gocat e çunat që punojnë këtu janë jashtëzakonisht miqësorë e efiçentë, në punë 4-5 minutash mbaron një detyrim që mbi të gjitha të vlen ty si qytetar. Pra, s’ka panik për t’u shtyrë, por ka mjaftueshëm hapësirë që punën e sotme të mos e lëmë për nesër dhe të marrim kartën e identitetit”, shtoi ai.
Gjithashtu, ai përcolli edhe një mesazh për të gjithë qytetarët e Tiranës që krahas aplikimit për karta të shikojnë me prioritet edhe verifikimin e emrit në listat e zgjedhësve pranë njësive administrative.
“Dua të ftoj të gjithë qytetarët e Tiranës të inkurajojnë njeri-tjetrin, jo vetëm për punën e kartave, por për të gjetur emrin e tyre në listat zgjedhore. Duke qenë se është një proces tjetër që për herë të parë kjo administratë e Bashkisë së Tiranës do të sigurohet për mbarëvajtjen e zgjedhjeve, nuk duam që të ketë votime nëpër lokale apo në ambiente private, ndaj besoj se regjistrimi në njësitë e reja administrative, tek “Fresku”, “Astiri”, tek “Selita”, pra njësitë 12, 13, 14, ku edhe “Aleat” tashmë është prezent, që me hapjen e zyrës së re na mundëson që jo vetëm të kemi një situatë zgjedhore dhe ambiente shumë dinjitoze, jo vetëm që të ofrojmë kartat e “Aleat-it” edhe në tre lagjet e reja që sapo i kemi hapur në Tiranë, por të sigurohemi që mbi të gjitha Tirana është model i një qyteti funksional, në çdo proces administrimi”, u shpreh Veliaj.
Zëvendësministrja e Brendshme, Rovena Voda falenderoi Bashkinë e Tiranës për bashkëpunimin në procesin e hapjes së zyrave të ALEAT, ndërsa theksoi faktin se qytetarët kanë gjithë komoditetin e duhur për të aplikuar në kohë për karta identiteti. “Është një zyrë e re, me të gjitha kushtet e standardet. Ky është një model shumë i mirë dhe me këtë lloj modeli pune që po promovojmë, besoj se njerëzit do të kenë një standard ofrimi shërbimi të lartë dhe besoj që do të vijnë edhe më shumë për të aplikuar, për t’u pajisur me karta identiteti, të cilat në fakt, duhet theksuar, kanë edhe një cilësi shumë më të lartë dhe kanë elementë sigurie shtesë, në krahasim edhe me kartat e mëparshme”, tha zëvendësministrja Voda.
Lajme të tjera
-
Nga 1 janari 2025 pensionistët do udhëtojnë me abone falas në Tiranë, ja cilët janë përfituesit dhe dokumentet e nevojshme
16 Dhjetor, 22:05 -
6 qytetarë betohen për shtetësinë shqiptare, Veliaj: Kur bëhemi bashkë, bëjmë punë të mrekullueshme
9 Dhjetor, 14:51 -
Bashkia e Tiranës hap thirrjen për banesat sociale nga programi 3%! Ja si të aplikoni, afatet dhe kush përfiton
6 Dhjetor, 15:20 -
Rritja e referencës së ndërtesave u kushton bizneseve e banorëve në Tiranë 15 mln euro shtesë në vit
4 Dhjetor, 08:28 -
Festat e fundvitit, ndizen dritat e Pemës në ‘Sheshin Skënderbej'! Veliaj: Të ndezim dritën e zemrës dhe mendjes! Krenohem me Tiranën
2 Dhjetor, 18:49 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
Çlirimi i Shqipërisë, nxënës e veteranë mbjellin 80 pemë në varrezat e Dëshmorëve! Veliaj: Të qartë në vokacionin tonë Europian
27 Nëntor, 15:59 -
Ndotje në Liqenin e Tiranës? Anisa Ruseti për Report TV: Shtim i algave jeshile, jo i rrezikshëm për popullatën! Ja dy faktorët dhe masat që merren
30 Tetor, 17:04 -
Veliaj 'shkund' bashkinë e Tiranës, zëvendëson 12 drejtues, ndryshime në UKT dhe Policinë Bashkiake! EMRAT kush ikin e kush vjen
25 Tetor, 12:04 -
Lista e plotë e fituesve/ Maratona e Tiranës, rreth 4 mijë pjesëmarrës! Gega rekord kombëtar: Shqiptarët më dhanë forcë! Dominojnë kenianët (VIDEO)
20 Tetor, 08:07 -
Të dielën Maratona e Tiranës, Veliaj: Kryeqyteti do shndërrohet në një kartolinë të bukur këtë fundjavë, mirëpresim 4000 vrapues nga e gjithë bota
18 Tetor, 12:35 -
Rikualifikohet blloku i banimit ndërmjet Kombinatit dhe Selitës, Veliaj: Sapo mbarojmë një punë cilësore, rritet vlera e pronës
18 Tetor, 12:10
