POP 5

Lajmet më të lexuara të 5 minutave të fundit

Sociale

Shtrenjtohet vaji i ullirit, 800 lekë/litri në ‘treg të zi’! Fermerët e Beratit: S’kemi fitime, këtë vit prodhimi është i dobët

Në Berat një ndër zonat më të njohura për plantacionet e ullinjve këtë vit çmimi i vajit të ullirit është rritur për shkak se prodhimi është i pakët. Aktualisht fermerët e tregtojnë vajin me 800 lek për litër ne tregun informal.  

Tregu i vetëm për fermerët e ullirit në Bilçë të Beratit mbetet rruga ose ndryshe “tregu i zi”. Dhjetëra fermerë dalin çdo ditë për të shitur vajin e ullirit të paambalazhuar.  Prodhimi këtë vit është i pakët, ndaj dhe çmimi është rritur. Fermerët e Beratit po e shesin vajin e ullirit me 600-700 lek për litër me shumicë dhe 800-900 për litër me pakicë, sipas cilësisë dhe varietit të ullinjve. Enver Qoraj është një ndër fermerët kryesorë në fshatin Bilçë, i cili thotë se një vit më parë ka prodhuar 5 ton ullinj, ndërsa këtë vit vetëm 20 kuintal. Pjesën më të madhe të sasisë së vajit e shet direkt në fabrikë, ndërsa atë që mbetet e çon në tregun e pakicës.

“Këtë vit e shesim me 800 lek për litër, por do rritet dhe më shumë se nuk ka sivjet. Është më shtrenjtë se vjet sepse nuk ka prodhim”, u shprehën fermerët.

Edhe pse çmimi është rritur, sërish fermerët ankohen, pasi nuk mbulojnë dot shpenzimet, si krahu i punës për vjeljen e ullinjve, pesticidet, nafta.

“Kemi kosto, vetëm punëtorin që vjel ullinjtë e paguajmë  2 mijë lek në ditë”, thanë ata.

Për vitin 2022, në rang vendi prodhimi i vajit të ullirit ishte 29,230 ton. Ndërsa këtë vit edhe pse ende s’ka shifra të sakta, besoj se prodhimi është 30 për qind më i ulët. Sipas ekspertëve të bujqësisë, rënia e prodhimit u ndikua nga periodiciteti, dukuri e njohur për kulturën e ullirit por dhe kushtet e pa përshtatshme të motit.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Genjeshtare: 15/12/2023 13:36

    Mos i hengshi fitimet o mashtrusa genjeshtar. Hajeni e pijeni vete se ne u kemi dhi....mu ne vajin tuaj

    Përgjigju
  • Gjysh: 13/12/2023 19:51

    E mire meqe paskeni kaq pak hajeni dhe pijeni vete. Perimet sa kg misit, frutat po ashtu. Me hormone i ngopni, vajin e perzieni dhe pastaj ankoheni.

    Përgjigju
  • Scutari: 13/12/2023 19:03

    Ok! Po blejmë vaj italian atëherë!

    Përgjigju
    • Cun Tirone: 13/12/2023 23:08

      Blije me 15 euro mos e rruj trapin hic! Se aq ka vajt ne Itali! Edhe katnarit ton mos ja jep se ti je gongster! Ti e ble mallin me sa te jet ore! Ama vajin snuk! E mor italian me 15 euro sma fut dot katnari me 8 euro mu!!

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56