POP 5

Lajmet më të lexuara të 5 minutave të fundit

Sociale

‘Shtyrja e dozës së dytë të vaksinës, asnjë problem shëndetësor, ISHP: Pritet të mbërrijnë së shpejti 500 mijë vaksina kineze të njëjta me Sinovac, ndryshon vetëm emri

Kalimi i afatit për bërjen e dozës së tyre të vaksinës kineze, përtej datës së shënuar nga mjeku i familjes, nuk sjell asnjë problem shëndetësor, thonë autoritetet. Menaxherja e programit kombëtar të vaksinimit, Erida Nelaj thotë se është firmosur marrëveshja për 500 mijë vaksina kineze, që pritet të vijnë së shpejti, të cilave u ndryshon vetëm emërtimi, por kanë të njëjtë përbërje me Coronavac

Për të pestën ditë radhazi, ne sheshin “Skënderbej”qytetarët nuk mundën të marrin dozën e dytë të vaksinës kineze. Coronavac vijon të ketë mungesa.

Mungesat pritet të plotësohen ditët në vijim, me mbërritjen në Shqipëri të vaksinave të tjera kineze nga Turqia. Report Tv mësoi se kompanisë turke që i premtoi Shqipërisë 1 milionë doza, iu ndalëm dërgesat e Coronavac nga kompania prodhuese në Kinë, për të sjellë vaksina të një lloji tjetër.

Por sipas autoriteteve, bëhet fjalë për vaksinë me të njëjtën përbërje, që i ndryshon vetëm emërtimi.

“Fillimisht ne patëm vaksinë Sinovac të Sinovacut dhe ndoshta këtu konfundohen njerëzit, që e kishte emrin Coronavac Vero Cell dhe më pas ,pas paketimit në Turqi vaksina erdhi me emërtimin Coronavac 600 SU dhe nuk u përdor fjala Vero Cell. Në vetvete brendësia e saj është identike, është thjeshtë emërtimi në paketim, marrëveshje që bien dakort prodhuesit dhe paketuesit. E rëndësishme është që vaksina në vetvete nuk ndryshon, pastaj emërtimet mund të jenë të ndryshme në varësi të kompanive që i paketojnë apo regjistrimeve që bëjnë në vende të ndryshme por baza brenda është identike Coronavac 600 SU”-tha Erida Nelaj.

Për të gjithë qytetarët që nuk bënë dozën e dytë në datën e caktuar në kartën e vaksinimit, Nelaj thotë se shtyrja nuk sjell asnjë problem shëndetësor.

“Ne japim referencë datën minimale si orientuese pra asnjëherë për para kësaj date por mbas kësaj date në çdo kohë mund të bëhet doza e dytë në momentin që është e disponueshme dhe ajo që do të kërkoja mirëkuptim nga qytetarët është që përpara se të drejtohen për vaksinim më mirë të komunikojnë paraprakisht nëse ka vaksinë gjendje apo jo”-u shpreh Nelaj.

Sipas menaxheres së programit kombëtar të vaksinimit në ISHP kontrata është firmosur për të sjellë 500 mijë vaksina së afërmi.

“Sasi të tjera pritet të vijnë. Tashmë u nënshkrua dhe kontrata për 500 mijë dozat e tjera dhe pritet të vijnë sasit e para ku ne do të plotësojmë të gjithë që kanë nevojë për dozën e dytë dhe do të fillojmë sërish vaksinimet masive me doza të para”-tha Nelaj.

Deri tani në vendin tonë që me nisjen e vaksinimit masiv janë kryer 700 000 vaksinime.

 

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

24 Nëntor, 10:00