POP 5

Lajmet më të lexuara të 5 minutave të fundit

Kronikë

Shtyu të renë drejt vetëvrasjes/ Zbardhet vendimi që lë në burg Altin Çokun

Është zbardhur vendimi i Gjykatës së Tiranës që lë në burg Altin Çokun, i cili shtyu një 27-vjeçare të kryejë vetëvrasje.

Shtyu të renë drejt vetëvrasjes/ Zbardhet vendimi që lë në burg Altin Çokun

Altin Çoku

Është zbardhur vendimi i Gjykatës së Tiranës që ka lënë në "arrest në burg" Altin Çokun, që shtyu një 27-vjeçare të kryejë vetëvrasje. E reja u hodh nga tarraca e katit të katërt në një godinë në Kamëz, pasi Altin Çoku i publikoi disa foto intime në rrjetet sociale.

27-vjeçarja kishte konflikte me burrin nga Kosova, me të cilin kishte dhe një vajzë dy vjeçe. Më pas është njohur me Altin Çokun, i cili i ka publikuar një foto intime në TikTok. Ajo i kërkontë ta hiqte, ndërsa Çoku pretendonte se nuk ia kishte publikuar ai.

Çoku është dënuar edhe më parë, por dënimet ndaj tij kanë qenë të ulëta.

Njoftimi i Gjykatës:

Referuar raportimeve të mëparshme në media, Gjykata e Apelit të Juridiksionit të Përgjithshëm, informon sa më poshtë:

Më datë 10.02.2024, rreth orës 22:30, shërbimet e policisë gjyqësore janë njoftuar se në rrugën “Teuta”, lagjia nr. 7, Bathore, ka rënë nga lartësia e një objekti 4 katësh shtetësia me iniciale S. A, e cila më pas është dërguar në Spital ku ka gjetur dhe vdekjen. Nga kqyrja e telefonit ka rezultuar që viktima me iniciale S.A, ka pasur komunikime në rrjete sociale me personin nën hetim shtetasin A. Ç, në lidhje më një fotografi të viktimës me personin nën hetim, e cila ishte publikuar në rrjetin social.

Gjykata e Shkallës së Parë e Juridiksionit të Përgjithshëm Tiranë, ka zhvilluar gjykimin lidhur me vlerësimin e ligjshëm të ndalimit dhe caktimin e masës së sigurimit “arrest në burg”, ndaj personit nën hetim shtetasit me iniciale A. Ç, i dyshuar për kryerjen e veprës penale “Shkaktimi i vetëvrasjes”,  të parashikuar nga neni 99 i Kodit Penal.

Gjykata e Shkallës së Parë e Juridiksionit të Përgjithshëm Tiranë, me vendimin nr. 421 Regj.Them, datë 15.02.2024, ka vendosur:

 

  1. Vlerësimin si të ligjshëm të arrestimit në flagrancë, ndaj personit nën hetim A. Ç, i dyshuar për kryerjen e veprës penale “Shkaktimi i vetëvrasjes”,  të parashikuar nga neni 99 i Kodit Penal.
  2.  Caktimin ndaj personit nën hetim A. Ç, masën e sigurimit personal atë të "arrestit në burg"  të parashikuar nga neni 238 të K.Pr. Penale.

Çështja në apel u shqyrtua mbi bazën e ankimit të bërë, nga personi nën hetim me iniciale A. Ç, i cili kërkoi ndryshimin e vendimit caktimin e një mase sigurimi personal më të butë, për shkak dhe të gjëndjes shëndetësore.

Në përfundim të gjykimit, sot më datë 11.03.2024, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtare Znj. Irena Brahimi,  vendosi:

-Miratimin e vendimit nr. 421 Regj.Them, datë 15.02.2024 të Gjykatës së Shkallës së Parë të Juridiksionit të Përgjithshëm Tiranë.

Tiranë, 11.03.2024

GJYKATA E APELIT TË JURIDIKSIONIT TË PËRGJITHSHËM

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça