POP 5

Lajmet më të lexuara të 5 minutave të fundit

Kronikë

'Shumë të rinj në infektiv me simptoma të rënda', Manastirliu: Zbatoni masat, ruani prindërit!

Mes të shtruarve në infektiv janë edhe shumë të rinj, që sipas ministres janë me simptoma të rënda.

Miti se të rinjtë e përballojnë koronavirusin bie poshtë nga ajo që thotë ministria e Shëndetësisë Ogerta Manastirliu. Në një video të publikuar së fundmi ajo thotë se shumë të rinj me simptoma të rënda po trajtohen në spitalin infektiv.

Më tej ministria apelon që të rinjtë të zbatojnë rregullat e higjienës personale, distancimin social dhe vendosjen e maskave në mënyrë që të frenohet përhapja e COVID19, duke ndarë edhe  një videomesazh drejtuar qytetarëve nga këngëtarja e njohur Julka Gramo.

“Sot në spitalin infektiv mes qytetarëve të shtruar, ka të rinj që po trajtohen për simptoma të rënda të shkaktuara si pasojë e COVID19, sepse virusi nuk bën dallim moshe.

Sot, ka shumë të rinj që me kontaktet e shpeshta me njëri-tjetrin, pa i respektuar rregullat, rrisin mundësinë e përhapjes së infeksionit dhe e përcjellin atë tek prindërit, gjyshërit, duke i vënë ata në rrezik serioz. Vetëm me kontributin e të rinjve, për të marrë përgjegjësi individuale në këtë kohë të pazakontë, përhapja e koronavirusit të rrezikshëm mund të frenohet. Vendose maskën, ruaj distancën, laj shpesh duart, ruaj veten, ruaj të tjerët,”-apeloi Manastirliu.

Në vijim të fushatës së Ministrisë së Shëndetësisë për përdorimin e maskës mbrojtëse, këngëtarja Julka Gramo tha se përdorimi i maskës mbron veten dhe familjarët tanë.

“Unë mbaj maskë të mbroj ty, kështu që të lutem më mbro edhe ti mua. Le të mbrojmë njëri-tjetrin, të mbrojmë familjet tona, të mbrojmë edhe të tjerët. Nëse unë dhe ti mbajmë maskë rreziku i transmetimit të virusit sipas disa statistikave që unë pashë sot ishte vetëm 1.5%,”- thotë Gramo.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nana: 04/07/2020 20:52

    Mire thua o Reagimi!? Se shpesh shikoljme ne tv emisione qe bejne autogol, por une e mbeshtes me mes teorik qe ju drejtohet te rinjeve , i shikojme me veprime indiferente te cilat cojne uje te virusi , te moshuarit ruhen dhe ne darke ja servir djali , nipi a dikush tjeter dhe padtaj pati semundje shoqeruse. Beni kujdes o te rinj e te reja se edhe juve ju ben sakat , me probleme serioze leni " pleqetine,, ti marre lume

    Përgjigju
  • Reagimi: 04/07/2020 14:10

    O Julka, po atë maskën, vëre moj vajzë. Ç’kuptim ka që e mban në dorë. Vëre, se ndryshe kot ky mesazhi yt e i Manastirlliut.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57