Granit Xhaka dhe Xherdan Shaqiri nuk festojnë gjithnjë me shqiponjë. Nuk e bëjnë shqiponjën kur luajnë me ekipe të tjera Perëndimore apo në ekipet e tyre. Ai gjest është një përdorimësh për ta, si pjesëtarë të Kombëtares së Zvicrës, dhe rasti është vetëm Serbia.
Ata janë në Zvicër, për shkak se atdheu i tyre Kosova, ka qenë i ndëshkuar deri në rrezik të zhdukjes fizike prej nacionalizmit serb, dhe mbijetesa e tyre njerëzore është një histori që nuk mund të fshihet.
Xhaka dhe Shaqiri janë talente të Zvicrës, talente të një vendi që i mori emigrantë dhe i bëri yje. Ata duhet të respektojnë në çdo gjest dhe në dalje publike të tyre, atdheun e dytë, që u dha dinjitet dhe hapësirë për të qenë talente.
Por nga ana tjetër, askush nuk mund t’i kërkojë dy futbollistëve yje të harrojnë identitetin e tyre përballë një ekipi kombëtar që u kujton tmerrin e jetës së tyre. Betejat mes ekipeve kombëtare janë dhe beteja mes historisë së tyre, dhe kjo nuk është hera e parë në futboll.
Askush nuk mund t’u kërkojë atyre djemve të harrojnë historinë e tyre kur janë përballë dikujt që ua kujton atë. Biles dhe motivimi maksimal i tyre për të shënuar, kishte brenda dhe një fuqi të mbinatyrshme, që buronte nga identiteti dhe vetëdija e tyre për të.
Për më tepër, simboli i shqiponjës nuk është një simbol fyes dhe as i ndaluar. Ai nuk lidhet as me ndonjë ndjenjë raciste, as fetare, dhe as nacionaliste. Është thjesht simboli i shqiponjës. Gjestet me tre gishta të futbollistëve serbë janë simbole nacionaliste, pasi janë simbole të një ideologjie nacionaliste, që ka bërë barbari në Ballkan.
Por i vetmi rast kur ne e kemi tepruar, ishte shpërthimi i një feste mbarëkombëtare për fitoren e Zvicrës ndaj Serbisë, sikur të kishim fituar ne. Shqiptarët nga mënyra se si festonin dje dhe vazhdojnë festojnë akoma, duket sikur ishin ata duke luajtur me Serbinë. Ne në fakt luajtëm me Serbinë dhe na mundën 2 me 0 në Elbasan. Vjedhja e fitores që ne u bëmë zvicerianëve dje, ishte i vetmi gjest i tepruar që kemi bërë ndaj dikujt në këtë histori. Dhe këtë se ka bërë Xhaka e Shaqiri që festuan si shqiptarë të Zvicrës, por ne që festonim sikur Zvicra të jetë koloni e Shqipërisë. Më shumë kemi fyer Zvicrën, se sa Serbinë. Serbët thjesht i kanë mundur dy djem shqiptarë që i rriti dhe i bëri të talentuar Zvicra. Kësaj të fundit duhet t’i jemi mirënjohëse, dhe jo të bëjmë sikur fituam ne.
Lajme të tjera
-
Mero Baze: Nderimi për Dumanin, si ridënim për Berishën
11 Dhjetor, 07:13
-
Mero Baze: Pas zgjedhjeve...qameti!
10 Dhjetor, 07:20
-
Mero Baze: Pse PD duhet të ulë kokën çdo 8 Dhjetor
8 Dhjetor, 22:48
-
Mero Baze: Përpjekja e Berishës për t’u dukur edhe 'komandant', edhe viktimë e SPAK
7 Dhjetor, 07:11
-
Mero Baze: Listat e mbyllura, 'qokë' që Berisha të fitojë opozitën
5 Dhjetor, 07:14
-
Mero Baze: Luksi i të vdekurit pas Sali Berishës
3 Dhjetor, 20:36
-
Mero Baze: Pasioni i Berishës për një 'SPAK paralel' që heton SPAK-un
3 Dhjetor, 10:51
-
Mero Baze: Më në fund, PD e do drejtësinë të varur nga SHBA, BE dhe… mosbindja civile
29 Nëntor, 06:59
-
Mero Baze: 700 cuba që duan t’u imponohen 700 mijë qytetarëve
26 Nëntor, 21:21
-
Mero Baze: ‘Antimitingu’ dhe ‘rrahja’, identiteti primitiv i Sali Berishës
25 Nëntor, 07:03
-
VIDEO/ Spektakël nga Xherdan Shaqiri, shënon tre gola dhe i jep kreun Baselit në limite
24 Nëntor, 21:13 -
VIDEO/ Granit Xhaka shënon supergol me mesazh, Leverkusen fiton në shtëpi! Tri pikë për Dortmund e Stuttgart
23 Nëntor, 18:38
